Özbek prezidenti Şavkat Mirziyaev Qırğızstannıñ Şolpan-ata qalasında ötip jatqan Türkitildes elderdiñ Intımaqtastıq keñesiniñ VI-sammitine arağa 17 jıl salıp qatısuda. Bügingi qırküyek sammitinde söz alğan özbek basşısı Ş.Mirziyaev Özbekstannıñ wyımğa tolıqqwqılı müşesi atanuğa dayın ekenin de atap ötti. 

Soñğı ret Özbekstan Keñestiñ 2000 jılı Äzirbayjanda ötken sammitine qatısqan eken. 2001 jılı osı wyımnıñ otırısına Özbekstan Parlamentiniñ spikeri ğana qatısqan.  Al, 2006 jıldan beri Taşkent atalğan sammitke qatısudan bas tartqan.

2009 jıldıñ qazanında Äzirbayjannıñ Nahçıvan qalasında jaña wyım qwru turalı şeşim şığarılğan edi. Onıñ jwmıstarınıñ qağidaları 2010 jıldıñ 16 qırküyegindegi Istambwl deklaraciyasında jan-jaqtı talqılanğan. Jaña wyım "Türkitildes elderdiñ Intımaqtastıq Keñesi" degen atau alğanmen, Özbekstan osı halıqaralıq qwrılımnıñ jwmıstarı men qwrıluına eş atsalıspağan. Tek üstimizdegi jıldıñ säuir ayında Taşkentte R.T.Erdoğanmen ötken kezdesuden keyin Ş.Mirziyaev Özbekstannıñ wyım qatarına qosılıp, Qırğızstanda ötetin qırküyek sammitine qatısatını turalı habarlağan edi. Endi, arağa 17 jıl salıp osı sammitke  qatısqan özbek basşısı äriptesterin turizm, bilim, ekonomika jäne investiciya salalarında ıntımaqtasuğa şaqırdı.  Sonımen qatar, Ş.Mirziyav Keñestiñ ştab-päterin Özbekstannıñ ejelgi qalası Hiuağa köşirudi wsındı.

“The Qazaq Times”