Foto: https://pbs.twimg.com

Özbekstan prezidenti Şavkat Mirziyaev pen Qazaqstannıñ jaña prezidenti Qasım-Jomart Toqaev telefon arqılı söylesti.

Özbekstan prezidentiniñ resmi saytında aytılğanday, eki el basşıları halıqaralıq mäseleler, Qazaqstan men Özbekstan arasındağı diplomatiyalıq baylanıs jäne Astana men Taşkenttiñ aldağı qarım-qatınasın talqılağan. Sonımen qatar, Şavkat Mirziyaev Toqaevtı jaña lauazımımen qwttıqtap, «bwl qadam Qazaqstan halqı men twñğış prezident Nwrswltan Nazarbaevtıñ jaña prezidentke senim artatındığınıñ däleli», – degen.

Ayta keteyik, 19 naurızda jergilikti uaqıt boyınşa sağat 19:00-de Qazaqstannıñ twñğış prezidenti Nwrswltan Nazarbaev otstavkağa ketetindigin jariya etti. 20 naurızda QR Parlamenti palatalarınıñ birlesken otırısında QR prezidenti lauazımına tağayındalğan Qasım-Jomart Toqaev ant qabıldap, Astananıñ atauın «Nwrswltan» dep ataudı wsınğan. Mwnımen qosa, Toqaev respublikadağı qalalardıñ ortalıq köşeleriniñ atauın da Nwrswltan Nazarbaevtıñ atına berudi wsındı.

"The Qazaq Times"