Resey-Ukraina Foto: dialog.ua

Europalıq habar taratu qoğamı Resey men Ukrainağa «Evrovidenie» bayqauınıñ jarlığın bwzğanı üşin sankciya jariyalamaq. Bwl turalı bayqaudıñ wyımdstıru komitetiniñ basşısı Frank-Ditera Frayling mälimdedi.

Frayling mırzanıñ aytuınşa, jarlıqqa säykes  Ukraina bayqauğa qatısuşı elderdiñ barlığınıñ öner körsetuin qamtamasız etuge mindetti bolğan. Al reseylik änşi YUliya Samoylovağa qatıstı ukrainalıq tarap bwl mindetti orındaudan bas tartqan. Al Resey ökilderi bayqauğa baylanıstı mañızdı basqosularğe sebepsiz kelmengendigi üşin jazalanıp otır.

Äzirge eki elge qanday sankciya jariyalanatındığı belgisiz. Bwl turalı mäsele kelesi aptada qarastırılatındığı jayında aytqan bolatın. Sonımen qatar sankciya negizinde qanday şara qoldanılatındığı da Evrovidenieniñ aqtıq märesinen keyin belgili bolmaq.

"The Qazaq Times"