مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ رەپەرتۋارى جاڭا قويىلىممەن تولىقتى. 12-13 جەلتوقسان كورنەكتى جازۋشى-دراماتۋرگ ورالحان بوكەيدىڭ «قار قىزى» پوۆەسىنىڭ جەلىسىندە قويىلعان، رەجيسسەر جۇلدىزبەك جۇمانبايدىڭ «قار قىزى» سپەكتاكلىنىڭ پرەمەراسى وتەدى.
قازاقستان جازۋشىلار وداعى، الماتى قالالىق اكىمشىلىك جانە تەاتردىڭ ۇيىمداستىرۋىمەن ورالحان بوكەيگە ارنالعان گاللەرەيا جانە تەاترىمىزدىڭ «مۋزەي» ءبولىمىنىڭ ۇيىمداستىرۋىمەن «قار قىزى» سپەكتاكلىندە وينايتىن ارتيستەردىڭ گاللەرەياسى كورەرمەنگە ۇسىنىلماق. سونىمەن قاتار، «سىرلاسۋ» بۇرىشىندا اقىن، دراماتۋرگ، حالىقارالىق «الاش» ادەبي سىيلىعىنىڭ، «باۋىرجان مومىشۇلى اتىنداعى قىزىل جۇلدىز» وردەنىنىڭ يەگەرى باقىت بەدەلحانمەن پوەزيا كەشىنىڭ فورماتىندا سىر-سۇحبات وتەدى.
كۇنى: 12 جەلتوقسان
پرەسس-كونفەرەنتسيا: 17.00-دە «سىرلاسۋ» بۇرىشىندا
كورمە: 17.40-تا تەاتر فويەسىندە
پوەزيا كەشى: 17.40-تا «سىرلاسۋ» بۇرىشىندا
سپەكتاكل: 18.30-دا ۇلكەن زالدا.
قويىلىمنىڭ شىعارماشىلىق قۇرامى:
قويۋشى-رەجيسسەر – جۇلدىزبەك جۇمانباي
رەجيسسەردىڭ اسسيستەنتى – كۋانىش بەيساگاليەۆ
قويۋشى-سۋرەتشى – التىناي ءجۇسىپالى
بالەتمەيستەر – كارينا دجيرەنباەۆا
رەجيسسەردىڭ كومەكشىسى – سۋمبات گەنياروۆا.
«قار قىزى» قويىلىمىنىڭ سيپاتتاماسى:
سپەكتاكل كورنەكتى جازۋشى-دراماتۋرگ و.بوكەيدىڭ «قار قىزى» پوۆەسىنىڭ ساحنالىق نۇسقاسى بويىنشا قويىلدى. قىس ورتاسىندا مال ازىعى تاۋسىلىپ، تراكتورمەن الىستان ءشوپ اكەلۋگە شىققان ءۇش جاس جىگىت اق قار، كوك مۇزدى تاۋ اراسىندا جولدان اداسادى. اينالا اپپاق الەم، ۇسكىرىك اياز. ءۇسىپ ءولۋ قاۋپى تۋعان كەيىپكەرلەر ءۇشىن ءومىر مەن ءولىمنىڭ ارپالىسى باستالىپ، ولاردىڭ شىنايى بولمىستارى دا اشىلا تۇسەدى. وسى ءبىر قيىن ساپاردىڭ باسىندا ولار قوڭقايعا، ال، سوڭىندا «...قوڭقاي ءزالىم جەڭبەسىن دەپ ايىرتاۋدا وتىرعان..» سيىرشى شالعا جولىعۋى بەكەر ەمەس. الەمدە جاماندىق جايلاپ كەتپەۋى ءۇشىن وعان جاقسىلىق قارسى تۇرادى. ءومىردىڭ ۇلى تەپە-تەڭدىك زاڭدارىنىڭ ءبىرى وسى بولسا كەرەك...
قويىلىمنىڭ اكتەرلىك قۇرامى:
نۇرجان — ك.بەيساعاليەۆ، م.اساۋباي
امانجان — جانات تىنىباەۆ، اليحان لەپەسباەۆ
باقىتجان — شەرحان ءپىرنازاروۆ، ريشات جۇرىنباي
قوڭقاي شال — تۇڭعىشباي جامانقۇلوۆ، باۋىرجان قاپتاعاي
سيىرشى شال — تولەۋبەك ارالباي، ءۇسىپحان سەيتىمبەت
جىلقىشىنىڭ قىزى — اسەل سايلاۋوۆا،اسەل ابدىحاميتوۆا
قولشاتىرلى قىز — مادينا كەلگەنباي، مايرا ابسادىكوۆا
قار قىزى — دينارا ۋسەنوۆا، ينديرا مەڭدىباەۆا.
مەملەكەت جانە قوعام قايراتكەرى جاسارال قۋانىشالين ومىردەن وزدى
جازۋشىلار وداعى جاڭا توراعا سايلادى. ول «جازۋشىلار وپپوزيتسيا بولماسىن!» دەدى
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
باقىتجول كاكەش. التايدا قالعان اقيىق
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
مەشىن جىلدىڭ قارا ولەڭى