Мұхтар Әуезов атындағы Қазақ мемлекеттік академиялық драма театрының репертуары жаңа қойылыммен толықты. 12-13 желтоқсан көрнекті жазушы-драматург Оралхан Бөкейдің «Қар қызы» повесінің желісінде қойылған, режиссер Жұлдызбек Жұманбайдың «Қар қызы» спектаклінің премьерасы өтеді.

Қазақстан Жазушылар одағы, Алматы қалалық әкімшілік және театрдың ұйымдастыруымен Оралхан Бөкейге арналған галлерея және театрымыздың «Музей» бөлімінің ұйымдастыруымен «Қар қызы» спектаклінде ойнайтын артистердің галлереясы көрерменге ұсынылмақ. Сонымен қатар, «Сырласу» бұрышында ақын, драматург, Халықаралық «Алаш» әдеби сыйлығының, «Бауыржан Момышұлы атындағы қызыл жұлдыз» орденінің иегері Бақыт Беделханмен поэзия кешінің форматында сыр-сұхбат өтеді.

Күні: 12 желтоқсан
Пресс-конференция: 17.00-де «Сырласу» бұрышында
Көрме: 17.40-та театр фойесінде
Поэзия кеші: 17.40-та «Сырласу» бұрышында
Спектакль: 18.30-да үлкен залда.

Қойылымның шығармашылық құрамы:
Қоюшы-режиссер – Жұлдызбек Жұманбай
Режиссердың ассистенты – Куаныш Беисагалиев
Қоюшы-суретші – Алтынай Жүсіпәлі
Балетмейстер – Карина Джиренбаева
Режиссердың көмекшісі – Сумбат Гениярова.

«Қар қызы» қойылымының сипаттамасы:
Спектакль көрнекті жазушы-драматург О.Бөкейдің «Қар қызы» повесінің сахналық нұсқасы бойынша қойылды. Қыс ортасында мал азығы таусылып, трактормен алыстан шөп әкелуге шыққан үш жас жігіт ақ қар, көк мұзды тау арасында жолдан адасады. Айнала аппақ әлем, үскірік аяз. Үсіп өлу қаупі туған кейіпкерлер үшін өмір мен өлімнің арпалысы басталып, олардың шынайы болмыстары да ашыла түседі. Осы бір қиын сапардың басында олар Қоңқайға, ал, соңында «...Қоңқай зәлім жеңбесін деп Айыртауда отырған..» Сиыршы шалға жолығуы бекер емес. Әлемде жамандық жайлап кетпеуі үшін оған жақсылық қарсы тұрады. Өмірдің ұлы тепе-теңдік заңдарының бірі осы болса керек...

Қойылымның актерлік құрамы:
Нұржан — К.Беисағалиев, М.Асаубай
Аманжан — Жанат Тыныбаев, Алихан Лепесбаев
Бақытжан — Шерхан Пірназаров, Ришат Жұрынбай
Қоңқай шал — Тұңғышбай Жаманқұлов, Бауыржан Қаптағай
Сиыршы шал — Төлеубек Аралбай, Үсіпхан Сейтімбет
Жылқышының қызы — Әсел Сайлауова,Әсел Абдыхамитова
Қолшатырлы қыз — Мадина Келгенбай, Майра Абсадыкова
Қар қызы — Динара Усенова, Индира Меңдібаева.

"The Qazaq Times"