ترامپ اقش-تىڭ ەسكى زاڭدارىن قايتا پايدالانباق

اقش ۇكىمەتىنىڭ قازىرگى جاساپ جاتقان قادامدارىنا قاراساڭىز، بار كۇش جىگەرىن «امەريكا ءبىرىنشى» ۇرانىنا سالىپ جاتقانىن بايقاۋعا بولادى. حالىقارالىق ساۋدا كەلىسىمدەردى دە «امەريكالىق ساتۋ» جانە «امەريكالىق جالعا الۋ» ۇلگىسىن ەنگىزۋدى. سارسەنبى كۇنى اق ۇيدە وتكەن  باسپاسوز ءماسليحاتىندا اقش پرەزيدەنتى «امەريكا ءبىرىنشى» ساياساتىن ارتتىرۋ ءۇشىن وسىدان بىرنەشە ون جىل ىلگەرى اتقارىلعان ساياساتتاردى قايتا جۇزەگە اسىرۋدى جوسپارلاپ جاتقانى بەلگىلى بولدى. سولاردىڭ ءبىرى سيرەك قولدانىلاتىن بولات يمپورتىنا توسقاۋىل قويۋ زاڭ ەرەجەلەرى.

اق ءۇيدىڭ ارناۋلى حابارلاندىرۋىنا سايكەس، اتالعان كونە ەرەجەلەردى قايتا اتقارۋعا اقش جەرگىلىكتى ۋاقىتىمەن بەيسەنبى تۇستەن كەيىن قول قويماق. ارنايى زەرتتەۋ ارقىلى 1962 جىلى اتقارىلعان «ساۋدا كەڭەيتۋ زاڭى» قايتا اتقارۋعا ۇسىنىلعان. ترامپ كومانداسىنىڭ ايتۋىنشا بۇل كونە زاڭ-جارعى ۇلتتىق ونەركاسىپتىڭ ۇلەس سالماعىن ەسەلەپ ارتتىرۋعا سەپتىگىن تيگىزەدى ەكەن.

بۇل حابارلاندىرۋ تۋرالى تانىمال اقپارات قۇرالدارى ۇكىمەتتەن الىدە ىشكەرىلەي بىلگىسى كەلەدى. ايتالىق، قانداي ناقتى ەرەجەلەرى الىنىپ، قانداي ەرەجەلەر قاعىس قالادى دەگەن ساۋالدار. دەگەنمەن، بۇل ەسكى زاڭدى بولات يمپورتىنىڭ، ياعني اقش-قا شەتەلدەن كىرەتىن بولات يمپورتىنىڭ ۇلەس سالماعىن كەمىتۋگە قاراتىلاتىنى انىق. ترامپ زاڭعا قول قويۋ كەزىندە بولات ونەركاسىبى وكىلدەرىن مىندەتتى تۇردە شاقىراتىنىن ايتقان.

كەيبىر شەنەۋنىكتەردىڭ ايتۋىنشا، ەسكى زاڭداردى ءتىرىلدىرىپ، پايدالانۋ مۇنىمەن توقتاپ قالمايدى. جاڭا ستراتەگيالىق باعىتتاردى دا قامتيتىن زاڭدار مەن ساياسي پراكتيكالاردى قولدانۋى مۇمكىن دەپ وتىر.

The Qazaq Times