فوتو: bigmir.net

كاتار مەن پارسى شىعاناعىنداعى وعان قارسى بلوكادا قۇرعان "تورتتىك" اراسىنداعى داۋ تولاستار ەمەس. كاتارعا تاعىلعان سان ءتۇرلى ايىپتاردىڭ قاتارى ساۋد ارابياسىنىڭ سىرتقى ىستەر ءمينيسترىنىڭ ء"ال-ارابيا" تەلەارناسىنا بەرگەن سۇحباتىنان كەيىن تاعى دا تولىقتى. بۇل جولى اراب مەملەكەتى كاتار باسشىلىعىنا مۇسىلمانداردىڭ قاسيەتتى قاجىلىعىن وزگە مادەنيەتتەر مەن ءدىن وكىلدەرىنە ارناپ بەيىمدەۋ كەرەك (ينتەرناتسيونالاۋ) دەگەن مالىمدەمە جاسادى دەگەن كىنا ارتىپ وتىر. 

كاتار ءامىرى: "ساۋد ارابياسىنىڭ جالعان ايىپتارىن جوققا شىعارۋدان ابدەن شارشادىق. كاتار ەشقاشان قاجىلىق ماسەلەسىن ساياسي ويىنعا اينالدىرعان ەمەس. ساۋد ارابياسى پارسى شىعاناعىنداعى داعدارىس كەزىندە مۇسىلمانداردىڭ مەككەگە ساپارىن ساياسي ماقساتتارىنا پايدالانىپ وتىر", -دەدى.

سونداي-اق كاتار بيلىگى قاجىلىققا باراتىن ءوز ازاماتتارىنىڭ ساۋد ارابياسىندا بىرقاتار قيىندىقتارعا كەزدەسىپ وتىرعانىن جەتكىزدى.

ءوز كەزەگىندە ساۋد ارابياسىنىڭ وكىلدەرى كاتاردىڭ يسلام ءدىنىنىڭ قاسيەتتى ورىندارىنا قاتىستى جاساعان مالىمدەمەسى مەملەكەتكە قارسى سوعىس اشۋمەن بىردەي ەكەندىگىن ايتقان بولاتىن.

“The Qazaq Times”