"اۋعانستان كاتاستروفانىڭ الدىندا تۇر" دەپ ەسكەرتكەن حالىقارالىق قاۋىمداستىق اۋعانستانعا 1 ملرد اقش دوللارى كولەمىندەگى كومەك بەرىلەتىنىن مالىمدەدى. بۇل تۋرالى حالىقارالىق قاۋىمداستىقتىڭ جەنەۆا قالاسىندا وتكەن وتىرىسىندا حابارلاندى. 

حالىقارالىق قاۋىمداستىق بىلدىرگەندەي، اۋعانستان جويقىن الەۋمەتتىك داعدارىستىڭ الدىندا تۇر. تالىپتەر بيلىككە كەلگەنىنە كوپ بولمادى، ەلدىڭ ونسىزدا ارەڭ تۇرعان ەكونوميكاسى، سىرتقى اكتيۆتەرىنىڭ بۇعاتتالۋى، سوعىستىڭ زاردابىنان كەيىنگى تۇرالاعان شارۋاشىلىقتاردى مولدالاردىڭ جاڭا بيلىگى بىردەن رەتتەپ كەتە المايتىنى بەلگىلى. ەگەر وعان دەر كەزىندە ءتيىستى كومەك بەرىلمەسە 35 ميلليونعا جۋىق حالىق سانى بار اۋعانستان ورتا ازيانى قامتىعان بىرقاتار مەملەكەتتەر مەن ايماقتارعا بوسقىندار لەگىن الىپ كەلۋى عاجاپ ەمەس.

بۇۇ باس حاتشىسى انتونيۋ گۋتەرريشتىڭ ايتۋىنشا حالىقارالىق قاۋىمداستىق قازىرگە دەيىن 606 ملن دوللار دايىندادى، وسىنىڭ ءوزى ميلليونداعان ادامنىڭ ءومىرىن ساقتاپ قالۋعا جاردەمىن بەرمەك.

بۇۇ تارابى "تاليباندى" حالىقارالىق قاۋىمداستىق كومەگەن قابىلداۋ ءۇشىن بۇۇ-نىڭ اۋعانستانعا كومەك ميسسياسىمەن قارىم-قاتىناستى تۇراقتاندىرۋعا شاقىردى.

The Qazaq Times