رەسەي پرەزيدەنتى ۆلاديمير پۋتين باتىس ەلدەرى ۋكرايناعا قاراتقان پوزيتسياسىن وزگەرتپەسە، رەسەي «ءتيىستى اسكەري-تەحنولوگيالىق شارالاردى كورەدى» دەپ ەسكەرتتى. بۇل تۋرالى ول قورعانىس مينيسترلىگىندەگى وتىرىستا مالىمدەگەن.
كرەمل باسشىسىنىڭ بۇل مالىمدەمەسى رەسەيدىڭ ءجۇز مىڭعا جۋىق اسكەرى ۋكرايناعا جاقىن شەكارادا توپتالىپ، كيەۆ پەن باتىس ەلدەرى اۋقىمدى باسىپ الۋ ارەكەتىنەن قاۋىپتەنىپ تۇرعان كەزدە جاسالدى. پۋتيننىڭ ايتۋىنشا، ۋكراينا جەرىنە امەريكالىق گيپەر-دىبىستىق زىمىراندار قويىلىپ، ۋكراينالىق ەكسترەميستەردىڭ قولىنا امەريكالىق قارۋلار بەرىلۋى مۇمكىن ەكەن.
«ۋكرايناعا گيپەر-دىبىستىق قارۋلار بەرىلەدى. بۇلار كۇنى ەرتەڭ قولدانىلا سالمايدى، بىراق ەلدەگى ەكسترەميستەردى قارۋلاندىرىپ رەسەيگە قارسى تۇرعىزادى»، – دەگەن پۋتين قورعانىس مينيسترلىگىنىڭ قىزمەتكەرلەرىمەن كەزدەسۋدە.
ماسكەۋ بۇعان دەيىن اقش پەن وزگە دە ناتو مۇشەلەرىنە داعدارىستى بولدىرماۋ تۋرالى ءوز ۇسىنىستارىن بەرگەن. بىراق بۇل باتىس ەلدەرى جاعىنان ۋلتيماتۋم دەپ قابىلداندى. وندا رەسەي ناتو-نىڭ بۇدان ارى شىعىسقا ىلگەرىلەمەۋىن جانە ۋكراينانى ۇيىمعا قابىلداۋ شەشىمىنەن باس تارتۋدى تالاپ ەتەدى، ءارى بۇنىڭ ءبارىن قۇقىقتىڭ تۇرعىدان بەكىتۋدى سۇرايدى.
«بۇل ۋلتيماتۋم با؟ البەتتە، ولاي ەمەس»، – دەپ تۇسىندىرگەن پۋتين ءوز ۇسىنىستارىن. ول سوعان قوسا اقش-تى يۋگوسلاۆيانى بۇۇ قاۋىپسىزدىك كەڭەسىنىڭ رۇقساتىنسىز بومبالادى جانە يراك پەن سۇرياعا باسىپ كىردى دەپ ايىپتادى. «ولار قازىر ۋكراينا جەرىندە جاساپ جاتقان نەمەسە جاساعالى جاتقان، جوسپارلاپ جاتقان ارەكەتتەرى ءبىزدىڭ شەكارامىزدان مىڭداعان شاقىرىم قاشىقتىقتا ەمەس. ءبىزدىڭ ءۇيىمىزدىڭ بوساعاسىندا عانا بولىپ جاتىر»، – دەيدى پۋتين سوزىندە.
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
بەيبىتشىلىككە بوگەت بولعان لوگيكا: ۋكراينا–رەسەي سوعىسىنىڭ شەشىلمەيتىن ءتۇيىنى
نارازىلىقتىڭ ءتۇپ-توركىنى: يران قوعامىن الاڭعا شىعارعان نەگىزگى سەبەپتەر
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟