Putin Ukrainağa qatıstı mälimdeme jasadı. Foto-Kollaj: EADaily

Resey prezidenti Vladimir Putin Batıs elderi Ukrainağa qaratqan poziciyasın özgertpese, Resey «tiisti äskeri-tehnologiyalıq şaralardı köredi» dep eskertti. Bwl turalı ol Qorğanıs ministrligindegi otırısta mälimdegen.

Kreml' basşısınıñ bwl mälimdemesi Reseydiñ jüz mıñğa juıq äskeri Ukrainağa jaqın şekarada toptalıp, Kiev pen Batıs elderi auqımdı basıp alu äreketinen qauiptenip twrğan kezde jasaldı.  Putinniñ aytuınşa, Ukraina jerine amerikalıq giper-dıbıstıq zımırandar qoyılıp, ukrainalıq ekstremisterdiñ qolına amerikalıq qarular berilui mümkin eken.

«Ukrainağa giper-dıbıstıq qarular beriledi. Bwlar küni erteñ qoldanıla salmaydı, biraq eldegi ekstremisterdi qarulandırıp Reseyge qarsı twrğızadı», – degen Putin Qorğanıs ministrliginiñ qızmetkerlerimen kezdesude.

Mäskeu bwğan deyin AQŞ pen özge de NATO müşelerine dağdarıstı boldırmau turalı öz wsınıstarın bergen. Biraq bwl Batıs elderi jağınan ul'timatum dep qabıldandı. Onda Resey NATO-nıñ bwdan arı şığısqa ilgerilemeuin jäne Ukrainanı wyımğa qabıldau şeşiminen bas tartudı talap etedi, äri bwnıñ bärin qwqıqtıñ twrğıdan bekitudi swraydı.

«Bwl ul'timatum ba? Älbette, olay emes», – dep tüsindirgen Putin öz wsınıstarın. Ol soğan qosa AQŞ-tı YUgoslaviyanı BWW Qauipsizdik keñesiniñ rwqsatınsız bombaladı jäne Irak pen Süriyağa basıp kirdi dep ayıptadı. «Olar qazir Ukraina jerinde jasap jatqan nemese jasağalı jatqan, josparlap jatqan äreketteri bizdiñ şekaramızdan mıñdağan şaqırım qaşıqtıqta emes. Bizdiñ üyimizdiñ bosağasında ğana bolıp jatır», – deydi Putin sözinde.

The Qazaq Times