ددسۇ: پاندەميا 2022 جىلدىڭ باسىنا قاراي اياقتالۋى مۇمكىن

جاھانعا كەڭ تاراپ كەتكەن جاڭا ءتاج ءتارىزدى ۆيۋستىڭ ەپيدەمياسى 2022 جىلدىڭ باس شەنىنە قاراي اياقتالۋى مۇمكىن. مۇنداي مالىمدەدمەنى دۇنيەجۇزىلىك دەنساۋلىق ساقتاۋ ۇيىمىنىڭ ەۋروپا ايماعى بويىنشا نەگىزگى وكىلى حانس كليۋگە جاسادى.

بەلگيالىق ماماننىڭ سوزىنشە، الەم ەلدەرى ەپيدەميانىڭ ەڭ قاۋىپتى كەزەڭىنەن ءوتتى، بىراق ءالى دە ۆيرۋس قاتەرى سەيىلگەن جوق. قازىرگى الەم ەلدەرىندەگى ۆيرۋسقا قارسى كۇرەس پەن ۆاكتسيناتسيا ءۇردىسىنىڭ قارقىنىنا قاراي وتىرىپ، جاھاندىق پاندەميا الداعى جىلدىڭ باس شەنىنە قاراي اياقتالۋى مۇمكىن. دەگەنمەن، ددسۇ ماماندارى پاندەميادان كەيىن دە ادامزات كوروناۆيرۋستىڭ سالدارلارىمەن، سونداي-اق ونىڭ تۋىنداۋى مۇمكىن جاڭا قاتەرلەرىمەن بىرگە جاساي بەرمەك.

«الدا كوروناۆيرۋس جاعدايىنىڭ قانداي بولاتىنىن ەشكىم تاپ باسىپ ايتىپ بەرە المايدى. 2021 جىل دا تۇتاستاي كوروناۆيرۋس جىلى بولارى انىق، بىراق 2020 جىلعا قاراعاندا ىندەت جاعدايىن باقىلاۋعا ۇستاۋعا بولادى. پاندەميا الداعى جىلدىڭ باس شەنىندە اياقتالۋى مۇمكىن، بۇل ارينە ۆيرۋس تارالۋىن توقتاتادى دەگەن ءسوز ەمەس»، – دەيدى كليۋگە.

حالىقارالىق دەنساۋلىق ساقتاۋ قاۋىمداستىعىنىڭ وكىلى بىلدىرگەندەي، بيىلعى جىلى مەمەلەكەتتەر ءۇشىن كوروناۆيرۋستىڭ مۋتاتسيالانعان ءتۇرى كوبىرەك قيىندىق تۋدىرادى.

“The Qazaq Times”