قىتاي مەن وڭتۇستىك كورەيا اراسىندا اقپاراتتىق سوعىس ءورشىپ تۇر

كورەي تۇبەگىنە ورناتىلاتىن «ساد» زىمىرانعا قارسى جۇيەسى كورەيا مەن قىتاي ەكى ەل اراسىندا ساياسي الاۋىزدىق تۋدىرىپ وتىرعانى بەلگىلى. كورەي تۇبەگىنىڭ بۇگىنگى شيەلەنىسى قىتاي مەن وڭتۇستىك كورەيا اراسىنداعى وسى الاۋىزدىققا تىكەلەي قاتىستى. وڭتۇستىك كورەيا كوپ جىلدان بەرى اقش-تىڭ اسكەري قولداۋىنا يە بولىپ كەلەدى. شىعىس ازياداعى اقش-تىڭ ىقپالى ارتقان سايىن قىتاي ۇكىمەتى دە سولتۇستىك كورەيانى استىرتىن قولداۋىن كۇشەيتە باستادى. ايتالىق قىتاي مەملەكەتتىك جانە جەكەلەگەن كاسىپ ورىندارى ارقىلى سولتۇستىك كورەيانىڭ يادرولىق سىناقتى دامىتۋىنا قولداۋشى بولىپ كەلەدى. سوڭعى كەزدەگى وڭتۇستىك كورەياعا كىرگىزىلگەن «ساد» زىمىرانعا قارسى «ساد» جۇيەسى قىتاي مەن وڭتۇستىك كورەيا اراسىنداعى 30 جىلعا تاياۋ جالعاسقان تاتۋ-ىنتىماقتى قارىم-قاتىناسىنا سىزات سالدى.

قازىرگى كەزدى ەكى ەل اقپاراتتىق قۇرالدارىندا ءبىرىن-ءبىرى سىناپ-مىنەۋ داعدىعا اينالىپ بارادى. قىتايمەن اراداعى ىنتىماقتاستىق بۇلىنگەننەن كەيىن وڭتۇستىك كورەيانىڭ ەكونوميكاسىنا ايتارلىقتاي ىقپال ەتەتىنى انىق. بۇل قىتايعا دا ۇقساس ىقپال ەتەتىن ءىس. الايدا ەكى ەلدىڭ اقپارات كەڭىستىگى بۇل شىندىققا كەرەعار تۇرعىدا اقپاراتتىق سوعىس جاساپ وتىر. ايتالىق، قىتاي اقپارات قۇرالدارى كورەيانىڭ ءار ءبىر قادامىن اڭدىپ، ەكونوميكاسىنداعى قىتايدىڭ ىقپالىن بارىنشا ماڭىزدى ەتىپ كورسەتۋگە تىرىسۋدا.

ەكى ەلدىڭ ساياسي الاۋىزدىعىنان كەيىن ەلدەر ارا تۋريستەردىڭ قاتىناۋى كۇرت تومەندەگەن. كورەياعا قىتاي ۇلى قۇرلىعىنان كەلەتىن تۋريستەردىڭ سانى بۇرىنعىدان 63 پايىزعا ازايعان. كورەيانىڭ تۋريستىك كومپانيالارى شىعىنعا باتىپ جاتسا دا كورەي ءباسپاسوزى قىتايلىق تۋريستەردىڭ ورىنىن، وڭتۇستىك شىعىس ازيانىڭ تۋريستەرى تولتىرىپ جاتقانىن ايتادى. مەيلى قالاي دەسە دە شىعىس ازياداعى دامۋ قارقىنىمەن الەمدى تاڭداندىرعان ەكى ەلدىڭ اراسىنداعى سالقىندىق، تاراپتاردىڭ ەكونوميكالىق كىرىسىنە ايتارلىقتاي كەرى اسەر ەتتى.

“The Qazaq Times”