قازاقستاندا بەنزين قۇنى نەگە ارتادى؟ وسى ساۋالعا ۇكىمەت باسشىسىنىڭ ءبىرىنشى ورىنباسارى، قارجى ءمينيسترى ءاليحان سمايىلوۆ جاۋاپ بەرۋگە تىرىستى.
تاياۋدا ۇلتتىق ەكونوميكا مينيسترلىگى بەنزيننىڭ ءبىر ءليترىنىڭ اكتسيزى 2020 جىلدىڭ 1 قاڭتارىنان باستاپ 10 تەڭگەگە كوتەرىلەتىنىن حابارلاعان بولاتىن. قازاقستاندا اي-91 باعاسى ءبىر ليترىنە 163 تەڭگە ەكەنىن ەسكە سالعان مينيستر رەسەيدە بۇل تەڭگەلىك ماندە العاندا ليترىنە 260 تەڭگەدەن اساتىنىن ايتتى. «تيىسىنشە، بىزدەگى مۇناي ونىمدەرى جاپپاي رەسەيگە اكەتىلىپ جاتىر. سول سەبەپتى ءبىز بەنزيندى اۆتوكولىكپەن شىعارۋدى شەكتەۋگە ءماجبۇر بولدىق»، – دەيدى سمايىلوۆ.
وسى ماسەلە جونىندە وتكەن ارنايى جيىندا ءا.سمايىلوۆ: «بەنزين باعاسى ليترىنە 10 تەڭگەگە وسەدى دەپ كۇتىلۋدە. بۇل شامامەن 6%. ينفلياتسياعا ەلەۋلى اسەر ەتپەۋى ءتيىس، دەگەنمەن باعانىڭ ءوسۋى ۇنەمى كۇن تارتىبىندە. الەۋمەتتىك ماڭىزدى ازىق-تۇلىك ونىمدەرىنىڭ باعاسىن ۇستاپ تۇرۋ ءۇشىن بارلىق شارانى قابىلداۋ قاجەت. بىرىنشىدەن، كەلەسى جىلى الەۋمەتتىك سالانىڭ شىعىندارى ارتادى. بۇدان بولەك، «پەداگوگ مارتەبەسى» تۋرالى زاڭ قابىلدانعالى جاتىر. وعان سايكەس، الداعى ءتورت جىلدا مۇعالىمدەردىڭ جالاقىسىن ەكى ەسەگە كوبەيتۋ جوسپارلانىپ وتىر. مۇنىڭ ءبارى قوسىمشا اقشانى قاجەت ەتەدى. سول سەبەپتى قوسىمشا تابىس كوزدەرىنىڭ ءبىرى وسى اكتسيز بولىپ وتىر، بىراق بۇل باستى كىرىس كوزى ەمەس. باستىسى – كەدەندىك-سالىقتىق اكىمشىلەندىرۋدى جاقسارتۋ. اكتسيزدەردى كوتەرۋ كەلەسى جىلى كىرىستى ۇلعايتۋ فاكتورلارىنىڭ ءبىرى. ول قوسىمشا 50 ميلليارد تەڭگەدەن اسا قارجى جيناۋعا مۇمكىندىك بەرەدى»، – دەدى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى