اقش قارجى مينيسترلىگى قىتاي ۇكىمەتىن يۋان باعامىن ساۋدا سوعىسىنا قارسى قارۋ رەتىندە قولدانىپ وتىر دەپ ايىپتاعان بولاتىن. بۇعان قارسى قىتاي ءسىم-ءىنىڭ ءباسپاسوز حاتشىسى مالىمدەمە جاساپ، ۋاشينگتوننىڭ ايىپتاۋىن جوققا شىعاردى.

قىتاي ءسىم-ءى اقش قارجى مينيسترلىگىنىڭ پىكىرىنە قارسى ايىپتاۋ سوزدەرىمەن جاۋاپ بەردى. مالىمدەمەدە: «اقش-قا نارىقتىڭ زاڭىن قۇرمەتتەپ، ءارى ەرەجەلەردى ساقتاۋدى،  ۆاليۋتا باعامىن ساياسايلاندىرماعا كەڭەس بەرەمىز»، – دەدى.

ءبىر كۇن بۇرىن اقش قارجى ءمينيسترى قىتاي ۆاليۋتا ساياساتىنىڭ جارتى جىلدىق مالىمەتتەرىن تاراتىپ، قىتايدى يۋان قۇنىن ماقساتتى تۇردە تومەندەتىپ، ۆاليۋتا باعامىن ساۋدا سوعىسىنا قارسى قارۋ ەتىپ وتىرعانىن ايتقان بولاتىن.

قۇراما شتات تارابىنىڭ كورسەتكەن مالىمەتىنە قاراعاندا، وتكەن جارتى جىلدا دوللار مەن ەۋروعا شاققانداعى قۇنى بىرتىندەپ كوتەرىلىپ كەلە جاتقان قىتاي يۋانىن سوڭعى كەزدە 5 پايىزعا تومەندەتكەنىن العا تارتتى.

“The Qazaq Times”