فوتو: كاراۆان

قازاقستان قىتايدان 112 ميلليارد تەڭگە نەسيە الماق.

پارلامەنت ءماجىلىسىنىڭ پلانارلى وتىرىسىندا دەپۋتاتتار «قر ۇكىمەتى مەن قىتاي ۇكىمەتى اراسىنداعى قىتاي حالىق رەسپۋبيلكاسىنان جەڭىلدىك بويىنشا نەسيە الۋ كەلىسىمى» جونىندەگى زاڭ جوباسىن راتيفيكاتسيالادى.

قارجى ءمينيسترى ءاليحان سمايلوۆتىڭ سوزىنشە، قازاقستان قىتايدان 112 ميلليارد تەڭگە (2  ميلليارد يۋان) نەسيەنى 20 جىلعا العان.

«نەسيە يۋانعا بايلانعان جانە جىلدىق ۇستەماقىسى 2 پايىز. نەسيەنى قايتارۋ ۋاقىتى 20 جىل. باستاپقى 5 جىلدا ءبىز تەك 2 پايىز ۇستەماقىنى عانا قايتارامىز. 6-شى جىلدان باستاپ العان قارجىنى قايتاراتىن بولامىز» - دەدى سمايلوۆ.

ءمينيستردىڭ ايتۋىنشا، قىتايدان العان قارجى شەكاراداعى وتكىزۋ بەكەتتەرىن مودەرنيزاتسيالاۋعا، تاس جول مەن تەمىر جولداردى جوندەۋگە جۇمسالماق. قۇرىلىس جۇمىستارى بيىل باستالىپ، 2022 جىلى اياقتالادى دەپ جوسپارلانۋدا.

جالپى، قىتايدان نەسيە الۋ، بىرلەسىپ جۇمىس ىستەۋ، قىتاي زاۋىتتارىن قازاقستانعا كىرگىزۋ سياقتى باستامالار قازاق قوعامىن قاشان دا بەيجاي قالدىرماعان. وعان ايقىن دالەل 2016 جىلى رەسپۋبليكا بويىنشا وتكەن جەر ميتينگىسى. وندا حالىق «قىتايعا جەرىمىزدى بەرمەيمىز»، «قىتاي زاۋىتتارى قازاقستان اۋماعىنا كىرگىزىلمەسىن» - دەپ، اقورداعا دات ايتقان.

"The Qazaq Times"