قىتاي ءسىم وكىلى گىڭ شۋاڭ.

"ۇلكەن جەتىلىك" سامميتىندە ۇيىمعا مۇشە  ەلدەردىڭ باسشىلارىنىڭ بىرلەسكەن مالىمدەمەسىندە گونكونگ ماسەلەسى دە ءسوز ەتىلگەن. ولار قىتاي ۇكىمەتىنىڭ گونكونگقا قاراتقان قاتاڭ پوزيتسياسىن سىنعا العان بولاتىن. كەشە قىتاي سىرتقى ىستەر مينيسترلىگى بۇعان قاتىستى مالىمدەمە جاساپ، "ۇلكەن جەتىلىك" ەلدەرىنىڭ بىرلەسكەن مالىمدەمەسىنە نارازىلىق تانىتتى. 

"ۇلكەن جەتىلىك" مۇشەلەرىنىڭ مالىمدەمەسىندە، قىتايدىڭ ء"بىر ەل، ەكى ءتۇزىم" ۇستانىمىن قايتالاي ەسكەرتتى جانە 1984 جىلى قىتاي مەن بريتان اراسىنداعى بىرىككەن دەكلاراتسياسىن، قىتايدىڭ گونكونگتىڭ اۆتونوميالىق قۇقىعىن ساقتاۋ تۋرالى ۋادەسىن ورىنداۋعا شاقىرعان. ءارى، زورلىق-زومبىلىق ارەكەتتەرىن بولدىرماۋعا ۇندەگەن.

قىتاي ءسىم تارابى كەشەگى مالىمدەمەسىندە، G7 ءسامميتىنىڭ بىرلەسكەن مالىمدەمەسىن قىتاي بيلىگىن گونكونگتان شىعارۋدى ماقسات ەتكەن دەپ ايىپتادى جانە وزگە ەلدەردىڭ قىتاي گونكونگ ماسەلەسىن جانە قىتاي-بريتان دەكلاراتسياسىنا ارالاسۋعا قۇقىعى جوق دەپ كورسەتتى.

الەم كوشباسشى ەلدەرىنىڭ گونكونگ تاقىرىبىن كوتەرە باستاۋى بەيجىڭ بيلىگىن الاڭداتپاي قويمايدى. سەبەبى، بۇعان دەيىن دە بەيجىڭ ۇكىمەتى گونكونگتاعى ەرەۋىلدەردىڭ ارتىندا سىرتقى كۇشتەر بار دەپ كەلگەن.

“The Qazaq Times”