اقىن فاريزا وڭعارسىنوۆا. فوتو: massaget.kz

– ومىرىڭىزدە «اتتەڭ، ايەل بالاسىمىن!» دەپ تاعدىرعا نالىعان كەزىڭىز بولدى ما؟

– جوق، تاعدىرىما نالىعان ەمەسپىن. ول كۇنا عوي. وي-پاراساتى، كورەگەندىگى شيرەگىڭە كەلمەسە دە، «شاپكەسىن شالقايتا كيىپ شىرەنىپ، ەركەك تىنىستىلاردىڭ «جۇزىنەن» بولعاندىقتان سەنىڭ توبەڭنەن شىكىرەيىپ قارايتىندار، ءار ءتۇرلى جولمەن جورعالاپ ءجۇرىپ جەتكەن بيىك ورىندىعىندا وتىرىپ، الدىنداعى ماعان ادامسىپ اقىل ايتقاندار تالاي ىزالاندىرعانى راس.

ەل دەسە، ءوز باسىنىڭ جىرى قالىپ

جۇرەتىن جىگىت قايدا نۇرى جارىق؟

باسىما ءوزىم كيگىم كەپ تۇرادى،

قالپاعىن كەيبىرەۋدىڭ جۇلىپ الىپ.

 

كەي ەردە ءوز-وزىنەن ءۇمىت سولىپ،

بۇرسيگەن شۋاقتا دا بۇعىپ، توڭىپ.

قىز بولىپ تۋعانىم دا ارتىق ەكەن

جۇرگەنشە نامىسى جوق جىگىت بولىپ! – دەپ جازعانىم بار ەدى الگىندەيلەر تۋرالى.

باق-قا بەرگەن سۇحباتىنان

“The Qazaq Times”