ارىستاعى جارىلىسقا بايلانىستى تەرگەۋ ورگاندارى جارىلىستىڭ ىقتيمال سەبەپتەرى تۋرالى زەرتتەۋدە. قورعانىس ءمينيسترى نۇرلان ەرمەكباەۆ جارىلىسقا بايلانىستى 6 ءتۇرلى بولجامنىڭ بار ەكەنىن ايتادى. بۇل تۋرالى centralasian حابارلاعان بولاتىن.  

قورعانىس ءمينيسترىنىڭ مالىمدەۋىنشە قاراستىرىلعان بولجامدار قاتارىندا: ادام فاكتورى، ءورت قاۋىپسىزدىك ەرەجەسىنىڭ ساقتالماۋى، سالاقتىق، تەحنيكالىق سەبەپتەر (ايتالىق ەلەكتر جەلىلەرىنىڭ تۇيىقتالۋى نەمەسە حيميالىق رەاكتسيا بولۋ) مەن قاتار ماقساتتى ورتەۋ جانە ديۆەرسيا قاتارلى بولجامدار بار.

بۇعان دەيىنگى مالىمەتتەردە ايتىلعانداي، ارىستاعى جارىلىستا وندا ساقتالعان وق-دارىلەردىڭ شامامەن 70 پايىزدان استامى جارىلىپ كەتكەن. كەيبىر قويمالار ءالى دە بىقسىپ تۇتاپ جاتىر، بۇل ءورت سوندىرۋشىلەردىڭ ارەكەتىنە كەدەرگى بولۋدا. قورعانىس ءمينيسترىنىڭ ايتۋىنشا، ارىس قالاسىندا اسكەريلەر تاعى ءبىر ايدان استام ۋاقىت زالالسىزداندىرۋ جۇمىستارىن جالعاستىرادى.

“The Qazaq Times”