تۇزدىباستاۋ جۇرتى كالينيننىڭ باسىن الىپ تاستادى

الماتى وبلىسى تالعار اۋدانىنا قاراستى تۇزدىباستاۋ اۋلىنداعى م. ي. كالينيننىڭ ەسكەرتكىشى الىنىپ تاستالدى. ونىڭ ورنىنا "الاش ارىستارىنا" ارنالعان ەسكەرتكىش قويىلماق. 

تۇزدىباستاۋدان وتەتىن جول بويىنداعى كالينيننىڭ ەسكەرتكىشىن الىپ تاستاۋ تۋرالى باستامالار بۇدان بىرنەشە جىل بۇرىن كوتەرىلگەن.  "جەلتوقسان اقيقاتى" قوعامدىق بىرلەستىگى  كالينينگە ارنالعان ەسكەرتكىشتىڭ ورنىنا الاش ارىستارىنالعان  ەسكەرتكىش قويۋ باستاماسىن كوتەرىپ كەلگەن.

كالينين ەسكەرتكىشى. فوتو: QT,

"الاشقا" ارنالعان جاڭا مونۋمەنتتىڭ اۆتورى، "جەلتوقسان اقيقاتى" قوعامدىق بىرلەستىگىنىڭ بۇرىنعى توراعاسى بەيسەنعازى ءسادۋۇلى بۇل تۋرالى: "كالينينگە قويىلعان ەسكەرتكىش 2017 جىلى الىنۋى كەرەك ەدى. "الاشتىڭ" 100 جىلدىعىنا ارنالعان ەسكەرتكىشتىڭ جوباسى دا دايىن بولعان. الايدا، اكىمشىلىك تاراپ بۇل ورىنعا جول ايرىعى تۇسەدى دەپ توقتاتقان بولاتىن. "الاشقا" ارنالعان ەسكەرتكىشتى قويۋدىڭ ءساتى بۇگىن ءتۇسىپ وتىر", – دەيدى.

ورنىنا "الاش" ارىستارىنا ارنالعان ەسكەرتكىش ورناتىلماق. فوتو: QT.

بەيسەنعازى ءسادۋۇلى ەسكەرتكىشتىڭ اۋىستىرىلۋىنا بايلانىستى تالعار اۋداندىق مادەنيەت ءبولىمى مەن تۇزدى باستاۋ اكىمىنىڭ ەرەكشە العىسىن ءبىلدىرىپ وتىر. بۇنداي شارالار وتارسىزدانۋ ءۇردىسىنىڭ ءجۇرىپ جاتقانىن، "رۋحاني جاڭعىرۋدىڭ" ءىس-جۇزىندەگى كورىنىسى دەپ سانايدى جوبا اۆتورى.

جول بويىنداعى كالينين ەسكەرتكىشىنەن كەيىن تۇزدىباستاۋ اۋىلى مادەنيەت ۇيىنىڭ الدىنداعى كالينين مونۋمەنتى دە الىنباق.

“The Qazaq Times”