كەشە، 5 ماۋسىم كۇنى، جەكسەنبىدە ەلىمىزدە تاعى ءبىر ساياسي ماڭىزدى وقيعا ءوتتى. ول بولسا پرەزيدەنتى قاسىم-جومارت توقاەۆ جارنامالاعان «جاڭا قازاقستان» ءۇشىن اسا ماڭىزدى دەپ سانالعان كونستيتۋتسيالىق رەفورماعا قاتىستى رەفەرەندۋم.

رەسمي مالىمەتتەرگە قاراعاندا، رەفەرەندۋمعا  8 ميلليوننان استام ادام قاتىسقان، ولار جالپى داۋىس بەرۋ قۇقىعىنا يە ازاماتتار سانىنىڭ 68 پايىزدان استامىن يەلەيدى ەكەن. وڭىرلەردەگى ازاماتتاردىڭ قاتىسۋ بەلسەندىلىگى بويىنشا تۇركىستان وبلىسى كوش باستاسا، الماتى قالاسىندا قاتىسۋ بەلسەندىلىگى وتە تومەن بولعان.

ورتالىق رەفەرەندۋم كوميسسياسىنىڭ وكىلى مۇقتار ەرماننىڭ قازاقپاراتقا بەرگەن مالىمەتى بويىنشا ەل كولەمىندەگى رەفەرەندۋمعا قاتىسۋ بەلسەندىلىگى مىناداي:

اقمولا وبلىسى – 73,81

اتوبە وبلىسى – 58,06

الماتى وبلىسى –72,83

اتىراۋ وبلىسى –67,68

بقو – 69,37

جامبىل وبلىسى – 69,59

قاراعاندى وبلىسى – 77,39

قوستاناي وبلىسى –72,28

قىزىلوردا وبلىسى – 79,89

ماڭعىستاۋ وبلىسى – 61,19

پاۆلودار وبلىسى – 75,53

سقو – 75,49

تۇركىستان وبلىسى – 80,66

شقو – 77,49

ەلوردا – 57,06

الماتى – 33,30

شىمكەنت – 72,53

الايدا بىرقاتارا اقپارات قۇرالدارى دا، وتاندىق جانە شەتەلدىك باقىلاۋشىلار دا كەزەكتى رەفەرەندۋمدا ەل ازاماتتارىنىڭ قاتىسۋ بەلسەندىلىگى تومەن بولدى دەپ باعالاعان ەدى. ونىڭ سەبەبى بۇدان بۇرىنعى پرەزيدەنت سايلاۋىنداعى ادىلەتسىزدىكتەر جانە رەفەرەندۋمنىڭ دۇرىس جولعا قويىلماۋى دەپ سانايدى.

قر ورك قازىرشە رەفەرەندۋمنىڭ سوڭعى ناتيجەسىن جاريا ەتكەن جوق. بىراق، ەلدەگى ءۇش بىردەي Exit poll ساۋالنامالارى بويىنشا رەفەرەندۋمدى قولداپ داۋىس بەرگەندەر سانى باسىم دەپ كورسەتىلگەن.

ايتا كەتەيىك، رەفەرەندۋم كۇنى نارازىلىق اكتسيالارىن ۇيىمداستىرعان ساياسي توپتار دا بولدى. الايدا، كۇشتىك قۇرىلىمدار جاعىنا نارازىلىق اكتسيالارى باقىلاۋعا الىنىپ، اكتسيالار اۋقىمدى دەڭگەيگە جەتە العان جوق.