ءبىر كۇن بۇرىن بەلگيانىڭ ورتالىق قالاسى بريۋسسەلدە ناتو-عا مۇشە ەلدەردىڭ اسكەري قولباسشىلىق باس شتاب باسقارما توراعالارى باس قوستى. بۇل باس قوسۋ وتىرىسىندا ۇيىمنىڭ كۇن تارتىبىندەگى ماڭىزدى قادامداردى تالقىلانعان. سونداي-اق، باسقارما توراعالارى ۋكراين ماسەلەسى مەن ورتا شىعىستاعى تۋىلۋى مۇمكىن سوعىس قاتەرى دە ءسوز ەتىلگەن. 

بريۋسسەلدەگى وتىرىستا ءسوز بولعان ماسەلەلەر قاتارىندا وداقتىڭ اسكەري ستراتەگياسى، ستراتەگيالىق جوسپارلاردى جۇزەگە اسىرۋ ادىستەرى، ۋكراينا، جەرورتا تەڭىزى ايماعىنىڭ قاۋىپسىزدىگى قاتارلى تاقىرىپتار كوتەرىلدى. قازىر ۇيىمنىڭ مۇشەلەرى اراسىندا جەر ورتا تەڭىزى مەن قارا تەڭىز اۋماعىندا ستراتەگيالىق مۇددەلەردىڭ قايشىلىعى بار. بۇل ەكى داۋدا دا تۇركيانىڭ كەلىسپەيتىن تۇستارى كوپ. كەزەكتى وتىرىستا جەرورتا تەڭىزىنىڭ قاۋىپسىزدىگىنە بايلانىستى كوپجاقتى كەلىسسوزدەر دە قاتار وتكەن.

ايتا كەتەيىك، ناتو مۇشەلەرىنىڭ اسكەري قولباسشىلىق باس شتاب باسقارماسىنىڭ توراعالارى جىلىنا ءۇش مارتە باس قوسۋ وتكىزەدى. بۇل جينالىستاردىڭ ەكەۋى ۇيىمنىڭ باس شتابى ورنالاسقان بريۋسسەلدە بولسا، بىرەۋى مۇشە ەلدەردىڭ بىرىندە وتكىزىلەدى.  يران مەن اقش اراسىنداعى قاقتىعىس قاۋپى ارتقانىمەن، اقش-تىڭ ناتو-داعى وداقتاستارى اراسىنىڭ يرانعا قاراتقان كوزقاراسى بىردەي ەمەس. ءتىپتى، بىرقاتار ەۋروپالىق ناتو مۇشەلەرى اقش-پەن ورتا شىعىستاعى اسكەري ىنتىماقتاستىق ارەكەتتەرىن توقتاتتى.

“The Qazaq Times”