حالىقتىق ەرەۋىل پرەزيدەنتتىڭ سايلاۋعا قاتىسۋ شەشىمىن وزگەرتتى

الجيردەگى ماسسالىق حالىقتىق ەرەۋىلدەن كەيىن 82 جاستاعى پرەزيدەنت ساۋىردەگى پرەزيدەنت سايلاۋىنا ۇسىنعان كانديداتۋراسىن الىپ تاستادى. پرەزيدەنت ابدەلازيز بۋتفليكانىڭ بەسىنشى رەت پرەزيدەنت بولۋىنا قارسى حالىقتىق ەرەۋىل الجير تاريحىندا سوڭعى 20 جىل ىشىندەگى ەڭ اۋقىمدى دەمونستراتسيا بولدى.

 «بەسىنشى مىندەت بولمايدى. مەنىڭ دەنساۋلىعىم مەن جاسىم پرەزيدەنتكە ۇمىتكەر بولۋعا مۇمكىندىك بەرمەيدى. مەنىڭ الجير حالقى الدىنداعى سوڭعى مىندەتىم – جاڭا رەسپۋبليكانىڭ ىرگەتاسىن قالاۋعا سالىم قوسۋ»، – دەدى بۋتفليكا كەزەكتى مالىمدەمەسىندە.

وتكەن جۇماداعى نارازىلىق شەرۋىن ۇيىمداستىرۋشىلار ەرەۋىلگە 20 ملن ادام قاتىسقانىن ايتقان. بۇدان كەيىن جۇزدەگەن قۇقىق قورعاۋشىلار نارازىلىق شەرۋىن ۇيىمداستىرىپ، بۋتفليكانىڭ پرەزيدەنت سايلاۋعا قاتىسۋىنا نارازىلىعىن بىلدىرگەن. ال، دۇيسەنبى كۇنى مىڭنان استام سوت قىزمەتكەرلەرى نارازىلىق كورسەتتى.

بۋتفليكا وتكەن عاسىردىڭ ورتا شەنىندەگى الجير تاۋەلسىزدىك كۇرەسى كەزىندە جاس كۇرەسكەر رەتىندە كوزگە تۇسكەن. سودان بەرى الجير بيلىگىنىڭ باسى قاسىندا. 1999 جىلى پرەزيدەنت بولىپ سايلاندى. ءبىر جىلدان كەيىن ءالجيردىڭ ازاماتتىق سوعىسىن توقتاتتى. 1991 جىلدان باستالعان ازاماتتىق سوعىستا 150 مىڭنان استام الجير ازاماتى اجال قۇشقان بولاتىن.

“The Qazaq Times”