Алжирдегі демонстрация. Фото: BBC.

Алжирдегі массалық халықтық ереуілден кейін 82 жастағы президент сәуірдегі президент сайлауына ұсынған кандидатурасын алып тастады. Президент Абделазиз Бутфликаның бесінші рет президент болуына қарсы халықтық ереуіл Алжир тарихында соңғы 20 жыл ішіндегі ең ауқымды демонстрация болды.

 «Бесінші міндет болмайды. Менің денсаулығым мен жасым президентке үміткер болуға мүмкіндік бермейді. Менің Алжир халқы алдындағы соңғы міндетім – жаңа Республиканың іргетасын қалауға салым қосу», – деді Бутфлика кезекті мәлімдемесінде.

Өткен жұмадағы наразылық шеруін ұйымдастырушылар ереуілге 20 млн адам қатысқанын айтқан. Бұдан кейін жүздеген құқық қорғаушылар наразылық шеруін ұйымдастырып, Бутфликаның президент сайлауға қатысуына наразылығын білдірген. Ал, дүйсенбі күні мыңнан астам сот қызметкерлері наразылық көрсетті.

Бутфлика өткен ғасырдың орта шеніндегі Алжир тәуелсіздік күресі кезінде жас күрескер ретінде көзге түскен. Содан бері Алжир билігінің басы қасында. 1999 жылы президент болып сайланды. Бір жылдан кейін Алжирдің азаматтық соғысын тоқтатты. 1991 жылдан басталған азаматтық соғыста 150 мыңнан астам Алжир азаматы ажал құшқан болатын.

“The Qazaq Times”