بۇگىن قازاقستاندىق بياتلونشىلار، جاپونيالىق ساپپورودا ءوتىپ جاتقان بۇكىلالەمدىك قىسقى ازيادا-2017 ويىندارىندا، بياتلوننىڭ ارالاس ەستافەتاسى ءتۇرى بويىنشا،  ەل قورجىنىنا ءبىر التىن جانە ءبىر كۇمىس جۇلدە سالدى. بۇل تۋرالى vesti.kz ءتىلشىسى حابارلايدى.

قازاقستان قۇراماسىنىڭ اتىنان ەكى كوماندا قاتىسقان. ەكەۋى دە ولجالى بولدى: ءبىرى كۇمىس السا، ەندى ءبىرى قورجىنىمىزداعى التىنداردىڭ سانىن التىعا جەتكىزدى.

«التىن» العان كوماندا مۇشەلەرى: ازيادا-2011 ويىندارىنىڭ ەكى دۇركىن چەمپيونى گالينا ۆينەۆسكايا، داريا ۋسانوۆا، ماكسيم براۋن جانە يان ساۆيتس.

ال ەكىنشى ورىنعا تۇراقتاعان كوماندا مۇشەلەرىنىڭ قۇرامىندا الينا رايكوۆا، اننا كيستانوۆا، ۆاسيلي پودكورىتوۆ جانە انتون پانتوۆ بار. ال جاپوندىق سپورتشىلار اتالمىش جارىستا ءۇشىنشى ورىنعا تابان تىرەدى.

سونىمەن، بۇكىلالەمدىك ازيادا-2017 قىسقى ويىندارىنىڭ ناتيجەسى بويىنشا، قازاقستان قۇراماسىن 21 مەدالمەن (6 التىن، 7 كۇمىس جانە 8 قولا) جالپى ەسەپتە ءتورتىنشى ورىندا.

ءۇشىنشى ورىنادا قىتاي سپورتشىلارى 24 (9-8-7), ەكىنشى ورىندا وڭتۇستىك كورەيا 41 (14-13-14) جانە كوش باسىندا –  جاپونيا  58 (19-20-19).

«The Qazaq Times»