فوتو: vesti.kz

24-26 اقپان ارالىعىندا گەرمانيا قالاسى ديۋسسەلدورفتا دزيۋدودان وتكەن الەمدىك گران پري كەزەڭى ءوز مارەسىنە جەتتى. جارىسقا قازاقستان اتىنان اتتانعان 16 سپورتشىنىڭ تەك بىرەۋى عانا جۇلدەلى ورىننان كورىندى. 100 كەلىدەن جوعارى سالماقتا سىنعا تۇسكەن دزيۋدوشى ەرجان شىنكەەۆ گران پري تۋرنيرىنىڭ قولا جۇلدەسىن يەلەندى. دزيۋدوشىنىڭ ءجۇرىپ وتكەن جولىن  sportportal.kz ءتىلشىسى بەكەت ايسۇلتان باياندايدى.

العاشقى بەلدەسۋىندە شىنكەەۆ برازيليالىق قارسىلاسى يسكۋاردە رۋان 3 شيدو العاندىقتان جەڭىس قازاقستاندىق دزيۋدوشىعا بەرىلدى. ەكىنشى اينالىمدا گرۋزيا ەلىنىڭ بالۋانى ادام وكۋراشۆيليدى ۆازاري ۇپايىمەن قاپى قالدىردى. ءۇشىنشى اينالىمعا سۇرىنبەي وتكەن قازاقستاندىق بالۋان جاپون دزيۋدوشىسى حاراساۋا حيسوياشيگە قارسىلاس اتاندى. الايدا بەلدەسۋ بارىسىندا سىلبىرلىق تانىتقان ەرجان شىنكەەۆ ءۇش شيدو العاندىقتان جەڭىس جاپون بالۋانىنا بۇيىردى. قولا جۇلدە ءۇشىن كۇرەسۋگە مۇمكىندىك بەرىلەتىن جۇبانىش بەلدەسۋىندە ەرجاننىڭ قارسىلاسى حاممو ياكيۆ بوزكىلەمگە شىقپاي، قازاقستاندىق بالۋان جۇلدەلى ورىنعا تالاسۋعا مۇمكىندىك الدى.

فوتو: fdk.kz

قولا جۇلدە ءۇشىن وتكەن بەلدەسۋدە سەنساتسيا ورىن الدى. قازاقستاندىق بالۋان 100 كەلىدەن جوعارى سالماقتا ريو وليمپياداسىنىڭ چەمپيونى چەحيالىق لۋكاش كرپالەكتى ۆازاري ادىسىمەن تىزە بۇكتىرىپ، گران پري ءتۋرنيرىنىڭ قولا جۇلدەسىنە يەلىك ەتتى.

قازاقستان نامىسىن قورعاعان قالعان 15 بالۋان جارىس جولىن ەرتە اياقتاپ، جۇلدەگەرلەر قاتارىنان كورىنە المادى.

“The Qazaq Times”