رەسەيدىڭ ۋكرايناعا ءتىسىن قايراپ، قىرىن قاراپ جۇرگەنى 2014 جىلدىڭ 20 اقپانىنان باستالعان. سودان بەرى، ياعني سوڭعى ءۇش جىلدا دونباستاعى قاقتىعىستان 9800 ۋكرايندىق قازا تاۋىپ، 23 مىڭى جارالانعان. بۇل تۋرالى ۋكراينانىڭ ءىىم-ءنىڭ ءباسپاسوز قىزمەتىنە سىلتەمە جاساپ korrespondent.net حابارلايدى.
مينيسترلىكتىڭ ءباسپاسوز قىزمەتى كورسەتكەن مالىمەتتەرگە سۇيەنسەك، ۋكراينانىڭ شىعىسىنداعى قارۋلى قاقتىعىستىڭ سالدارىنان 1,8 ميلليون ادام يمميگرانت بولۋعا ءماجبۇر بولعان.
سونداي-اق، ىىم (ىشكى ىستەر مينيسترلىگى) رەسەي قىرىمدى اننەكسيالاعاننان كەيىن ادام قۇقىقتارىنىڭ تاپتالىپ جانە سول ءۇشىن ۋكراينالىق بەلسەندىلەر مەن قىرىم تاتارلارىنىڭ زارداپ شەگىپ جاتقاندىعىن جەتكىزىپ وتىر.
حاتتامادا: «رەسەي ءالى دە دونباستاعى بۇل قاقتىعىسقا نۇكتە قويار ەمەس. ۋكراينا ۇكىمەتىنە قارامايتىن تەرريتوريالارعا رەسەيدىڭ اسكەرلەرىن جانە قازىرگى زامانعى قارۋ-جاراقپەن تۇتاس قامتاماسىز ەتىلگەن بۇلىكشىلەرىن دە جىبەرىپ وتىر»، – دەلىنگەن. ايتا كەتەيىك، رەسەي مەن ۋكراينا شەتكەسەتىن شەكاراداعى 409,7 شارشى كم جەر ۋكراينا ۇكىمەتىنىڭ باقىلاۋىنان تىس جەرگە جاتقىزىلادى.
«The Qazaq Times»
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟
اركتيكاداعى "ۇلى ويىن": جاڭا كەزەڭ باستالدى
قىتاي مەن رەسەيدىڭ جاڭا ديپلوماتيالىق بەلسەندىلىگى: الەمدىك تارتىپكە اسەرى
ءۇندىستان مەن پاكىستان اراسىنداعى شيەلەنىس باسەڭدەدى، بىراق قاۋىپ سەيىلگەن جوق
ورتا شىعىستا جالعاسا بەرەتىن قاقتىعىس: يران مەن يزرايل اراسىنداعى ۇزىلمەيتىن تەكەتىرەس
ۋكراينا–رەسەي سوعىسى: 2025 جىلعى كوكتەمگى جاعدايعا گەوساياسي جانە اسكەري تالداۋ