اقش ۇكىمەتى قىتايداعى امەريكالىقتارعا ساق بولۋدى ەسكەرتتى

اقش مەملەكەتتىك دەپارتامەنتى جازباشا مالىمدەمە جاساپ، قىتاي بيلىگىنىڭ زاڭداردى ورىنسىز قولدانىپ وتىرعانىن، سونداي-اق، قوس ەل ازاماتتارىنا ارنايى شەكتەۋلەر قويعانىن ايىپتادى جانە قىتايداعى ازاماتتارىنا ساق بولۋدى ەسكەرتتى.

اقش مەملەكەتتىك دەپارتامەنتتىڭ كورسەتكەن مالىمەتتە قىتاي تارابى اقش ازاماتتارىن «ەلدەن شىعۋ شەكتەمەسىن» قويىپ، امەريكالىقتاردىڭ ەلىنە قايتۋىنا كەدەرگى جاساعانىن، اقش ازاماتتارى ۇزاق ۋاقىت سول ەلدە قامالىپ قالعانىن، ءارى بۇل ارەكەتتەردى اقش ازاماتتارىن قورقىتۋ ماقساتىندا جاساعانىن ايىپتاعان.

مەملەكەتتىك دەپارتامەنتتىڭ مالىمەتىندە ايتىلۋىنشا، اقش ازاماتتاردىڭ كەلىسپەۋشىلىگىنەن كەيىنگى سوت وتىرىستارىنىڭ ءبارى دە قىتاي بيلىگىنىڭ مۇددەسىن قورعاپ شىققان، اقش ازاماتتارىنىڭ ءوز كونسۋلدىقتارىنان جاردەم سۇراۋىنا دا مۇمكىندىك بەرمەگەن. سونداي-اق، قىتايداعى بىرقاتار اقش ازاماتتارى مەملەكەتتىك قاۋىپسىزدىككە قاتەر ءتوندىرۋ كۇدىگى بويىنشا ۇزاق ۋاقىت تەرگەۋگە الىنعان جانە تۇرمەگە قامالعان.

اتالعان مالىمدەمەدە قىتايداعى كەيبىر امەريكالىقتاردىڭ ەلەكتروندى حات-حابارلارى ۇرلانعان جانە ونى اقش ازاماتتارىن ەلدەن شىعارىپ جىبەرۋگە باستى سەبەپ رەتىندە پايدالانعانى دا ايتىلادى. «شىنجاڭ ۇيعىر اۆتونومياسى مەن تيبەت اۆتونومياسىندا قاۋىپسىزدىك تەكسەرۋ شارالارى كۇشەيتىلىپ، شەتەلدىكتەردىڭ ساياحات جاساۋىنا كەدەرگىلەر قويىلعان»، – دەلىنەدى اقش مەملەكەتتىك دەپارتامەنتىنىڭ جازباشا مالىمدەمەسىندە.

وسىدان بۇرىن اقش تارابى قىتايداعى امەريكالىقتاردىڭ ءجۇرىپ-تۇرۋىنا قويىلعان شەكتەۋلەرگە قاراتا، قۇراما شتات شەكاراسىندا دا قىتايلىقتارعا شەكتەۋ قويۋ شارالارىن قاراستىراتىنىن ەسكەرتكەن. ءارى، قىتايدى ەكى ەل قول قويعان ءوزارا تيىمدىلىك شارتىنا قايشىلىق جاسادى دەپ ايىپتاعان بولاتىن.

“The Qazaq Times”