قانشا ءبىلىم ءمينيسترى اۋىسسا دا تۇبەگەيلى شەشە الماي كەلە جاتقان ماسەلەنىڭ ءبىرى مەكتەپكە اقشا جيناۋ ءۇردىسى. بالالار جازدىق كانيكۋلعا شىعا سالا مەكتەپ مۇعالىمدەرى اسىرەسە سىنىپ جەتەكشىلەرى وزدەرى وتىرعان اۋديتوريانىڭ رەمونتىن موينىنا الادى. اتا-انادان اقشا سۇراي باستالادى.
مەكتەپتەگى وقۋ ماۋسىمى اياقتالدى، بالالاردىڭ جىل بويى وقىعان كابينەتتەرىن جوندەۋ جۇمىستارى باستالادى. اۋىل مەكتەپتەرىندە جوندەۋگە كەرەكتى قاراجات ءۇشىن اتا-انالارعا قولقا سالادى، بۇل ءوز كەزەگىندە كوپ بالالى جانە جاعدايى تومەن اتا-انالاردىڭ قالتاسىنا سالماق سالادى. وسى ورايدا اتا-انالاردىڭ ءبىرازىندا مەملەكەتتىك بيۋدجەت ەسەبىنەن جوندەۋ جۇمىستارىنا قارجى بولىنبەي مە دەگەن سۇراق تۋىندايدى. الدە بولىنسە دە اۋىلعا جەتپەي مە؟ بۇل جاعى قاراپايىم اۋىل تۇرعىندارىنا بەيمالىم. سوندىقتان جوعارى جاقتاعىلارعا قۇلاققاعىس رەتىندە وسىعان تۇسىنىكتى جاۋاپ بولسا دەپ ەسكەرتەمىز.
مينيسترلىك جىل سايىن مەكتەپكە رەمونت بولماسا باسقادا سىلتاۋلارمەن اقشا جينالماۋى كەرەك دەگەنىمەن جىل سايىن وسى ءۇردىس جالعاسا بەرەدى. وسىنى ناقتى قاداعالايتىن زاڭدىڭ جاۋاپكەرشىلىك كەرەك شىعار.
جالپى مەكتەپ رەمونتىنا اتا-انادان اقشا جيناۋ دۇرىس پا؟
ءنۇرباتيما بايتۇرسىن
الماتى وبل. تالعار اۋدانى،
قىزىل-قايرات اۋىلى
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى