فوتو: كورنەكى سۋرەت

شىمكەنت قالاسىندا يمامدار مەن ءدىن ىستەرى جونىندەگى باسقارما قىزمەتكەرلەرىنىڭ، سونىمەن قاتار، قۇرىلىس باسقارماسى وكىلدەرىنىڭ قاتىسۋىمەن جيىن بولىپ ءوتتى. جينالعاندار شىمكەنت قالاسى مەن تۇركىستان وبلىسىنداعى مەشىتتەردىڭ قۇرىلىسى مەن احۋالى تۋرالى ماسەلەنى تالقىلاعان. رەسمي مالىمەت بويىنشا، ايماقتاعى مەشىتتەردىڭ سانى قازىرگى ۋاقىتتا 800-دەن اسقان. ونىڭ ۇستىنە، ولاردىڭ قانشاسى زاڭدى، ال قانشاسى زاڭسىز سالىنعانىن شەنەۋنىكتەر ازىرگە بىلمەيدى.

«سوڭعى ءۇش جىلدىڭ ىشىندە 8 مەشىتتىڭ قۇرىلىسىنا رۇقسات ەتىلدى. ال، قالعاندارى زاڭسىز سالىنعان»، - دەيدى قالا قۇرىلىسى جانە ارحيتەكتۋرا باسقارماسىنىڭ قىزمەتكەرلەرى. ۇستىمىزدەگى جىلدىڭ ءساۋىر ايىندا ەلىمىزدە ءدىني عيماراتتاردىڭ قۇرىلىسىن رەتتەيتىن جاڭا زاڭدار قابىلدانعان ەدى. ەندى، مەكتەپتەرگە 300 مەتر قاشىقتىقتا ورنالاسقان مەشىتتەردىڭ بارلىعى بۇزىلماق.

«مەشىتتى زاڭسىز سالعان ادام ونى ءوزى بۇزۋعا ءتيىستى. سونىمەن قاتار، ول جەر مەن قۇرىلىسقا قاتىستى قاجەتتى رۇقسات الىپ، ساۋلەت جانە قالا قۇرىلىسى باسقارماسىن حاباردار ەتۋى كەرەك»، - دەگەن تۇركىستان وبلىسىنىڭ ساۋلەت جانە قۇرىلىس باسقارماسىنىڭ جەتەكشىسى باقىتباي دۇيسەبەكوۆ.

«وسىلايشا مەشىتتەر سالۋ باستاماسىن كوتەرۋشى كوپتەگەن ادامدار رۇقساتسىز مەشىتتەر تۇرعىزىپ، ايماقتا زاڭسىز مەشىت سانى ارتۋدا.  ناتيجەسىندە، اۋىلدار مەن ەلدىمەكەندەردەگى كەيبىر ءدىني عيماراتتار بوس قالۋدا»، - دەيدى شەنەۋنىكتەر.

«وبلىس پەن شىمكەنت قالاسىندا 800-دەن استام مەشىت بار. ولاردىڭ كوبىسى قاڭىراپ تۇر. بۇل وعان كەلۋشى ادام سانىنىڭ ازدىعىنان نەمەسە قۇرىلىس ەرەجەلەرىنىڭ ساقتالماۋىنان. وسى مەشىتتەرگە ەشكىم كەلمەيتىن بولعاندىقتان، ءبىز ولاردى عيباداتحاناعا اينالدىردىق» ، - دەيدى تۇركىستان وبلىسىنىڭ ءدىن ىستەرى جونىندەگى باسقارماسىنىڭ باسشىسى سامات ساپارباەۆ.

“The Qazaq Times”