Şımkent qalasında imamdar men din isteri jönindegi basqarma qızmetkerleriniñ, sonımen qatar, qwrılıs basqarması ökilderiniñ qatısuımen jiın bolıp ötti. Jinalğandar Şımkent qalası men Türkistan oblısındağı meşitterdiñ qwrılısı men ahualı turalı mäseleni talqılağan. Resmi mälimet boyınşa, aymaqtağı meşitterdiñ sanı qazirgi uaqıtta 800-den asqan. Onıñ üstine, olardıñ qanşası zañdı, al qanşası zañsız salınğanın şeneunikter äzirge bilmeydi.

«Soñğı üş jıldıñ işinde 8 meşittiñ qwrılısına rwqsat etildi. Al, qalğandarı zañsız salınğan», - deydi Qala qwrılısı jäne arhitektura basqarmasınıñ qızmetkerleri. Üstimizdegi jıldıñ säuir ayında elimizde dini ğimarattardıñ qwrılısın retteytin jaña zañdar qabıldanğan edi. Endi, mektepterge 300 metr qaşıqtıqta ornalasqan meşitterdiñ barlığı bwzılmaq.

«Meşitti zañsız salğan adam onı özi bwzuğa tiisti. Sonımen qatar, ol jer men qwrılısqa qatıstı qajetti rwqsat alıp, Säulet jäne qala qwrılısı basqarmasın habardar etui kerek», - degen Türkistan oblısınıñ Säulet jäne qwrılıs basqarmasınıñ jetekşisi Baqıtbay Düysebekov.

«Osılayşa meşitter salu bastamasın köteruşi köptegen adamdar rwqsatsız meşitter twrğızıp, aymaqta zañsız meşit sanı artuda.  Nätijesinde, auıldar men eldimekenderdegi keybir dini ğimarattar bos qaluda», - deydi şeneunikter.

«Oblıs pen Şımkent qalasında 800-den astam meşit bar. Olardıñ köbisi qañırap twr. Bwl oğan keluşi adam sanınıñ azdığınan nemese qwrılıs erejeleriniñ saqtalmauınan. Osı meşitterge eşkim kelmeytin bolğandıqtan, biz olardı ğibadathanağa aynaldırdıq» , - deydi Türkistan oblısınıñ din isteri jönindegi basqarmasınıñ basşısı Samat Saparbaev.

“The Qazaq Times”