جيالىسقا قاتىسۋشىلار

ءدىني باسقارمادان وكىلدىكتەرگە بەرىلگەن «ايەلدەر-قىزدار» سەكتورىنىڭ جۇمىستارىن دامىتۋ، شارالار وتكىزۋ تۋرالى ارناۋلى تاپسىرماسىنىڭ نەگىزىندە شىعىس قازاقستان وبلىستىق «حاليفا التاي» مەشىتىنىڭ «ايەلدەر-قىزدار» سەكتورىنىڭ ۇيىمداستىرۋىمەن  «قىزىم ساعان ايتام» اتتى تاعىلىمدىق شارا ءوتتى.

باسقوسۋعا مەشىت قابىرعاسىندا ءبىلىم الىپ جۇرگەن قىز-كەلىنشەكتەرمەن مەشىتتىڭ ايەل جاماعاتتارى قاتىستى.

مۇندا مەشىت ۇستازى فاتيما قابديەۆا جانە باسقا دا ۇستازدار مەن شاكىرتتەر قىزدار تاربيەسىندەگى ۇلتتىق سالت- ءداستۇردىڭ ورنى، دىنىمىزدەگى ايەلدەر تاريبەسىنىڭ ماڭىزى تۋرالى تۇششىمدى باياندامالار جاسادى. ارنايى دايىندالعان روليك كورسەتىلدى.

«قىزدار تاربيەسى ۇلتتىڭ باستى قۇندىلىعى. اتا-بابالارىمىز قىزدار تاربيەسىنە ايىرىقشا ءمان بەرگەن. قازاقتىڭ ءداستۇرلى قىزدار تاربيەسىندەگى تىيىمداردىڭ كوبى يسلاممەن ۇندەسىپ جاتىر» دەپ اتاپ ءوتتى شارانى ۇيىمداستىرۋشىلار.

تاعىلىمدىق ساباق قاتىسۋشىلاردىڭ كوڭىلىنەن شىقتى. ولار وكىلدىككە العىستارىن ءبىلدىرىپ، وسىنداي ونەگەلى ىستەردىڭ ءار كەز باسىندا ۇيىساتىندىقتارىن ءبىلدىردى.

“The Qazaq Times”