«بايجىگىت» بابا» مەشىتىنىڭ باس يمامى امانكەلدى جاراسوۆ كولىك تىزگىنىندە.

 ۇلىستىڭ ۇلى كۇنى ناۋرىز مەيرامى قارساڭىندا شىعىس قازاقستان وبلىسى تارباعاتاي اۋدانىندا حالىقتى قۋانتقان بەرەكەتتى ءىس-شارا ءوتتى.

تارباعاتاي اۋدانىنىڭ اكىمى اقجار اۋىلدىق «بايجىگىت بابا» مەشىتىنە «نيۆا» كولىگىن سىيلادى.

اۋدان باسشىسى ءوز سوزىندە: اۋداندا كەرى اعىمدارعا قارسى كۇرەستى كۇشەيتۋ، يسلامنىڭ قۇندىلىقتارىن ناسيحاتتاۋ ءىسىنىڭ اسا ماڭىزدى ەكەندىگىن ايتا كەلە، وسىنداي شارالارعا ارناپ حالىق يگىلىگىنە قىزمەت ەتسىن دەپ كولىك بەرىپ وتىرعاندىعىن ايتتى. سونىمەن قاتار يمامداردىڭ قىزمەتىنە ساتتىلىك تىلەدى.

«ۇلىستىڭ ۇلى كۇنى قارساڭىندا حالقىمىز ءۇشىن اسا ءبىر قۋانىشتى جاعداي بولدى. بۇل بىزگە دەگەن مەملەكەتىمىزدىڭ قامقورلىعى. ەلباسىمىزدىڭ جارقىن ساياساتىنىڭ ارقاسى. يسلامنىڭ اسىل قۇندىلىقتارىن ناسيحاتتاۋدا تىنىمسىز ەڭبەك ەتىپ، حالىقتىڭ سەنىمىن اقتايمىز. ءدىن ءۇشىن، مەشىت ءۇشىن كومەك جاساعان جاندارعا ىزگى ساۋاپ بار ەكەندىگى بەلگىلى» دەپ اتاپ ءوتتى، اقجار اۋىلدىق «بايجىگىت» بابا» مەشىتىنىڭ باس يمامى امانكەلدى جاراسوۆ. ول سونىمەن قاتار اۋدان باسشىلىعىنا شىنايى العىسىن ءبىلدىردى.

مەشىتتىڭ بوساعاسىنا بايلانعان تەمىر تۇلپارعا اجەلەر شاشۋ شاشىپ، مارە-سارە بولدى. اقساقالدى قاريا باتا بەرىپ، ەلىمىزگە تىنىشتىق تىلەدى.

“The Qazaq Times”