اقش مەملەكەتتىك دەپارتامەنتى تولىق مالىمەت تاراتپادى. فوتو: Wikimedia Commons

امەريكالىق باق اقش-تىڭ مەملەكەتتىك دەپارتامەنتىنە كيبەر شابۋىل جاسالعانى تۋرالى حابارلادى. بۇل تۋرالى العاشقى اقپاراتتى Fox News ارناسى تاراتتى.

حاباردا ايتىلۋىنشا مەملەكەتتىك دەپارتامەنتكە جاسالعان كيبەر شابۋىلدى پەنتاگوننىڭ كيبەر قاۋىپسىزدىك قىزمەتى انىقتاعان. سونداي-اق، مەملەكەتتىك دەپارتامەنتكە ەسكەرتۋ جاساعان.

بۇدان ەكى اپتا بۇرىن جاسالعان كيبەر شابۋىلدىڭ قاي تاراپتان جانە قانداي ماقساتتا جاسالعانى تۋرالى اقش مەملەكەتتىك دەپارتامەنتى رەسمي تۇسىنىكتەمە بەرمەگەن. قاۋىپسىزدىك شارتتارىنا بايلانىستى تەرگەۋ امالدارى تولىق جۇزەگە اسقانشا شابۋىلدىڭ زارداپتارى تۋرالى دا مالىمەت بەرىلمەيتىنى ەسكەرتىلگەن.

سوڭعى جىلدارى، اقش پەن قىتاي اراسىندا «كيبەر جاۋاپتاسۋدىڭ» سانى بارعان سايىن ارتىپ كەلەدى. ەكى ەل اراسىنداعى جاڭا تەحنولونيا باسەكەسىندە تاراپتار ءبىر-ءبىرىنىڭ تەحنو الىپتارىن، ءىرى كومپانيالارىن كيبەر قىلمىستارمەن ايىپتاپ كەلەدى. بۇعان قوسا ۋاشينگتون كيبەر شابۋىلدار بويىنشا ماسكەۋ بيلىگىن دە كوپ رەت سىنايدى.

The Qazaq Times