Twitter جەكە جارنامالار ءۇشىن پايدالانۋشىنىڭ جەكە دەرەكتەرىن رۇقساتسىز پايدالانعان.

بۇل تۋرالى Twitter Inc وتكەن سەيسەنبىدە حابارلادى. كومپانيا بۇل ماسەلەنى جاقىندا انىقتاعانىن جانە دۇيسەنبى كۇنى اتالعان ماسەلەنىڭ شەشەلىگەندىگىن جازادى. الايدا، ناقتى قانداي قولدانۋشىلارعا اسەر ەتكەندىگى تۋرالى اقپارات جوق.

جالپى، تۇتىنۋشىنىڭ دەرەكتەرى كومپانيالار ءۇشىن قۋاتتى قۇرال. سەبەبى، ولار جارنامانى قولدانۋشىنىڭ جەكە دەرەكتەرىنە سايكەس بەرۋگە تىرىسادى. سول سەكىلدى Twitter پايدالانعان جەكە دەرەكتەر قاتارىنا قولدانۋشى ەلىنىڭ  كودى، پايدالانۋشىلاردىڭ بەلگىلى ءبىر جارناماعا كوزقاراسى جانە ولاردىڭ قولداناتىن قۇرىلعىلار تۋرالى جاساعان تۇجىرىمدارى كىرگەن.

Twitter  رەسمي سايتىندا قولدانۋشىلاردان كەشىرىم سۇراپ، بولاشاقتا مۇنداي قاتەلىكتەردىڭ قايتالانبايتىنىن جازىپ، ۋادە بەردى.

ايتا كەتەيىك، وتكەن جىلدىڭ باسىندا Facebook-ءتىڭ 87 ميلليون قولدانۋشىسىنىڭ جەكە دەرەكتەرىن كەمبريدج اناليتيكا زاڭسىز پايدالانعانى انىقتالعان ەدى. كەيىن ول مالىمەتتەر دونالد ترامپتىڭ 2016 جىلعى سايلاۋالدى ناۋقانىندا پايدالانىلعاندىعى بەلگىلى بولدى. ال، سول جىلدىڭ كوكتەمىندە Facebook-ءتىڭ نەگىزىن قالاۋشى مارك تسۋكەربەرگ اقش كونگرەسىندە جانە ەۋروپارلامەنتتە قاتەسىن مويىنداپ، دەرەكتەردىڭ قولدى بولعانى ءۇشىن كەشىرىم سۇرادى.

"The Qazaq Times"