وت الەمدەگى بارلىق حالىقتىڭ كيە تۇتار توتەمى. وت تۋرالى بابادان بالاعا قالعان اڭىز-ءافسانا كوپ. سونىڭ ءبىر پاراسى رەتىندە “شوقان ءۋاليحانوۆ تاڭدامالى” (1985 جىل، الماتى “جازۋشى”) اتتى كىتاپتان ۇزىندى ۇسىنىپ وتىرمىز.

وت اۋليە كيەلى بولىپ سانالادى... وشاقتاعى وتتى باسۋعا نەمەسە تۇكىرۋگە بولمايدى. قارعىس ۇرادى... جاڭا تۇسكەن كەلىن اۋەلى ءوز وتاۋىنا كىرمەس بۇرىن، اتاسىنىڭ ۇيىنە كىرىپ، تاعزىم وتۋتە ءتيىس، سودان سوڭ قالىڭدىق، اتاسىنىڭ وتىنا ءبىر قاسىق ماي تامىزۋى كەرەك. بۇل ىرىم — كادەنى «وتقا ماي قۇيۋ» دەيدى. جاس كەلىن سالەم ەتكەندە «ارۋاق رازى بولسىن» دەپ، تىزە بۇگىپ، ‘ەڭكەيىپ، ماڭدايىن ەدەنگە تيگىزەدى. وتقا تامىزعان ماي جانىپ جاتقاندا، جاس كەلىننىڭ جانىنداعى ايەلدەردىڭ ءبىرى الاقانىن وتقا قىزدىرىپ، كەلىننىڭ بەتىن سيپاي-دى. ۇلكەن ءۇيدىڭ وتىنىڭ قۇرمەتىنە دەپ، قالىڭدىق اتاسىنىڭ يىعىنا شاپان جابادى، وسى كەزدە وتاعاسى وشاق جاقتاعى تۋلاقتى نۇسقاپ، جاس كەلىنگە وتىر دەگەن بەلگى بەرىپ: «ءيىن قاندىرىپ يلەگەن تۋلاقتاي، مىنەزىڭ جۇمساق بولسىن قاراعىم» دەپ باتاسىن بەرەدى. جان بەرۋ(ۋادە، سەرت ءبىرۋ) نەمەسە جان ءسوزىن (انت) بەرۋ ءۇشىن ەكى جەردەن وت جاعىپ، كىناسى بار ادام سول ەكى وتتىڭ اراسىنان ءوتىپ بارا جاتقاندا، كىسىنى اتىپ ولتىرگەن مىلتىقتىڭ وقپانىنان سۇيۋگە ءتيىس.

وتپەن ەمدەۋدىڭ ءبىر ءتۇرى: مالدىڭ جەتى مۇشەسىنەن جەتى جاپىراق ەت كەسىپ الىپ، وتقا قاقتاپ اۋىرعان جەردى قىزدىرادى (اسىرەسە سارپ اۋرۋىندا). اۋرۋدان تازارتۋ ءۇشىن وتقا جەز ءشومىشتى قىپ-قىزىل ەتىپ قىزدىرادى، سونان سوڭ قىزعان شومىشكە ماي قۇيىپ، كوك شۇبەرەك سالادى، شۇبەرەك پەن ماي تۇتانىپ جانعاندا، ءشومىشتى اۋرۋدىڭ بەتىنە جاقىنداتىپ، شومىشكە سۋىق سۋ قۇيادى، وسى كەزدە شومىشتەن قاتتى بۋ شى-عادى. ەمدەۋدىڭ بۇل ءتۇرىن جەلۇشىق (جەلمەن ۇشىقتاۋ) دەيدى.

جاڭا تۋعان ايدى كورگەندە ءۇش رەت تىزەرلەپ وتىرىپ، ءۇش رەت ەڭكەيىپ ءمىناجات ەتەدى دە، سول ءمىناجات ەتكەن جەردەن ءشوپ جۇلىپ الىپ، جانىپ جاتقان وتقا تاستايدى.

"The Qazaq Times"