فوتو: JR EAST

الەمدەگى ەڭ قىمبات پويىزدار جايلى ەستىپ پە ەدىڭىز؟ ءبىر كولىكتىڭ قۇنىنا تەك ءبىر عانا بيلەت ساتىپ الۋعا بولادى دەگەنگە سەنەسىز بە؟ ارينە، جوق. بىراق  جاپوندىقتار بۇل قيالدى دا اقيقاتقا اينالدىردى. بۇگىندە الەمدەگى ەڭ قىمبات ليۋكس ساناتىنداعى جولاۋشىلار پويىزى ءوزىنىڭ العاشقى ساپارىنا اتتاندى.

"سيكي-سيما" دەپ اتالاتىن بۇل پويىزدا 1 نەمەسە 4 كۇندىك ساياحاتتى تاڭداي الاسىز. ال باعاسى - 2860-تان 10 000 دوللارعا دەيىن. جاپونيانىڭ ەڭ كورىكتى جەرلەرىن كورىپ، پويىزبەن ساياحاتتاعىڭىز كەلسە بۇگىنگى كۋرسپەن - 3 152 200 تەڭگەڭىزدى دايىنداي بەرىڭىز، ايتپاقشى، بۇل تەك ءبىر بيلەتتىڭ قۇنى.

پويىز 1 مامىر كۇنى جولعا شىقتى. ونىڭ ۆوگوندارى ارنايى تاپسىرىسپەن الىنعان ماتەريالداردان  تانىمال ديزاينەر  كەن كيەيۋكي وكۋيامانىڭ يدەياسىمەن جاسالعان بولاتىن.

East Japan Railway Company بۇل جوباسى تۋرالى 2014 جىلى مالىمدەگەن ەدى. ال پويىزبەن ساياحاتتاعىسى كەلەتىندەردىڭ سانى تىم كوپ. ءتىپتى العاشقى ساپارعا بيلەت الۋ ءۇشىن ءبىر ورىنعا 76 تاپسىرىس تۇسكەن. ياعني تاپسىرىس بەرۋشىلەردىڭ اراسىندا ۇتىس ۇيىمداستىرىلىپ، تەك باعى شاپقانداردىڭ عانا بيلەت ساتىپ الۋعا مۇمكىندىگى بولعان.

پويىزدىڭ ىشىندە ارنايى قىزمەتكەرلەر ءسىزدىڭ ساياحاتىڭىزدىڭ ءساتتى وتۋىنە بارىنشا جاعداي جاساماق. باس اسپازدان باستاپ داياشىعا دەيىن تەك ءوزىڭىزدىڭ قۇزىرىڭىزدا.

ازىرگە الەمدەگى جالعىز بولىپ تابىلاتىن پويىز كەز-كەلگەن 5 جۇلدىزدى قوناقۇيلەرگە لايىقتى باسەكەلەس بولا الاتىنى ءسوزسىز.

ءبىر ۋاقىتتا پويىزدا تەك 34 جولاۋشى عانا ساياحاتقا شىعا الادى.

پويىزعا توكيو قالاسىندا وتىرىپ تابيعاتتىڭ ەڭ كەرەمەت ايماقتارىنان  ەلدىڭ قيىر سولتۇستىگىندەگى حوككايدو ارالدارىنا دەيىن باراسىز.

دوڭگەلەكتەگى قوناق ءۇي نەبارى 10 ۆاگوننان قۇرالعان. الەمنىڭ تۇكپىر-تۇكپىرىندەگى قالتالى ازاماتتار بۇل ليۋكس ساياحاتقا بارىنشا قىزىعۋشىلىق تانىتۋدا. ەگەر جاپونياعا بارۋدى جوسپارلاپ جاتساڭىز، ءبىر جىلعا كۇتە تۇرۋىڭىزعا تۋرا كەلەدى. ويتكەنى، پويىزدىڭ بيلەتتەرى 2018 جىلدىڭ ناۋرىزىنا دەيىن ساتىلىپ كەتكەن ەكەن.

“The Qazaq Times”