15 marqwmnıñ atı-jöni belgisiz soñğı üşeuiniñ jeke deregi saraptama negizinde naqtılandı. Taraz qalasınıñ mäyithanası. 31 tamız 2021 jıl. Foto: QT / Kültegin Aspanwlı

Jambıl oblısı Bayzaq audanında bolğan jarılıstan 15 adamnıñ mürdesi tabılıp, marqwmdardıñ atı-jöni naqtılandı.

Tür-tüsin tanuğa kelmeytin 3 mürdeniñ DNQ sınama ülgileri Şımkent qalasındağı zerthanasında taldanıp, qorıtındısı seysenbi küni sağat 10.20-da tuıstarına aytıldı. Mäyithana aldına jinalğan marqwmdardıñ jaqındarına üş azamattıñ naqtılanğan jeke deri habarlandı.

TJ qızmetiniñ köpşilik ortasında aytqan sözine qarağanda, üş qızmetker, olar – 25 jastağı Ädilet Ädilbek Qanatwlı, 22 jastağı Keñes Älibi Bekswltanwlı, 26 jastağı Quatbek Gafan Jomartwlı.

Düysenbi keşke qaray №3 ört söndiru böliminiñ qarauıl basşısı, juırda 41 jasqa tolğan mayor Zaikin Sergey Vladimiroviçtiñ denesi tabılğan. Onı joldası qolındağı neke jüziginen tanığan.

Ölimi  naqtılanğandar:

  1. Efreytor R.S.Janbolatov – 40 jasta
  2. Serjant M.S.Merşimbay – 40 jasta
  3. Starşina E.E.Nädirbekov – 41 jasta
  4. Azamattıq qızmetker O.D.Dälibaev – 59 jasta
  5. Oñtüstik öñirdiñ äskeri prokurorı A.Q.Qapezov – 44 jasta
  6. Serjant-ört söndiruşi A.S.Temirbolatov – 28 jasta
  7. Polkovnik M.K.Aymanov – 45 jasta
  8. Podpolkovnik A.N.Mikropulo – 50 jasta
  9. Serjant, ağa ört qwtqaruşısı E.Q.Sandıbaev – 30 jasta
  10. Serjant, ağa ört qwtqaruşısı T.Q.Törebekov – 40 jasta
  11. Mayor S.J.Älimbekov – 36 jasta
  12. Mayor, qarauıl basşısı S.V.Zaikin – 41 jasta
  13. Ağa serjant, jürgizuşi G.J.Quatbek – 26 jasta
  14. Qatardağı ört söndiruşi Ä.B.Keñes – 22 jasta
  15. Kişi serjant, ört qwtqaruşısı Ä.Q.Ädilbek – 25 jasta

Qazirgi tañda oqiğa ornında bolğan 16-şı qızmetker, 33 jastağı kişi serjant Bauırjan Däuitbaev Talğatwlın izdestiru jürip jatır. Onıñ üş wlı jäne bir qızı bar, sonday-aq äyeli besinşi perzentine ayağı auır.

Bwl üş marqwmnıñ jeke deregi düysenbi belgili bolğan. Qorğanıs ministrliginiñ Bas inspekciya basqarmasınıñ basşısı Jwmabek Hasenov bauırın izdegen qızmetkerlerdiñ tuıstarı men sondağı QT tilşisine keşe, 30 tamız keşke deyin habarlauğa uäde bergen. Biraq tüpkilikti aqparat bügin jariyalandı.

Marqwmdar jöninde qaralı habardı estirtu sätine jinalğan qızmetkerlerdiñ tuıstarı. Taraz qalasınıñ mäyithanasınıñ aldı. 31 tamız 2021 jıl. Foto: QT / Kültegin Aspanwlı

Marqwmdar jöninde qaralı habardı estirtu sätine jinalğan qızmetkerlerdiñ tuıstarı. Taraz qalasınıñ mäyithanasınıñ aldı. 31 tamız 2021 jıl. Foto: QT / Kültegin Aspanwlı

The Qazaq Times