Almatı qalasındağı Ortalıq klinikalıq auruhanasında koronavirustan emdelip jatqan jaqınına sälemdeme äkelip twrğan adam. 15 şilde 2021 jıl. Foto: QT / Kültegin Aspanwlı

Qazaqstanda koronavirus pen oğan wqsas pnevmoniyağa şaldıqqandar sanı 7741-ge artıp, jalpı esebi 617 mıñnan astı, onıñ 130 mıñı tek şilde ayında tirkelip ülgerdi. Osı aydağı epidahual dinamikasına qarağanda, koronavirustıñ janama äserinen köz jwmğandardı eseptemegende tike kovidten 1,5 mıñnan asa qazaqstandıq (KVI+ 1301, KVI- 224) ömirden ötken. Eki aptadan beri toqtausız ösip jatqan auruşañdıq 5-6 mıñnıñ üstinde twr. Düysenbide jüz şaqtı adam qaytıs bolğan.

Densaulıq saqtau ministrliginiñ resmi mälimetinşe, elde 28 şildede koronavirus (KVI+) jwqqan 7479 adam, al 27-si koronavirus pnevmoniyasına (KVI-) şaldıqqan 262 adam tirkeldi. Qazir elde 90,7 mıñ adam (KVI+ boyınşa 88 mıñ, KVI- boyınşa 2,2 mıñnan asa) auırıp jatır.

#COVIDÖtken küni PTR testi arqılı koronavirus jwqqanı rastalğan nauqastar qatarı tağı artıp, şilde ayındağı VIIİ rekordın jañaladı. Är öñirde jüzden kem emes jağday tirkelip, bwrın-soñdı bolmağan deñgeyge östi. Olardıñ basım böligi ädettegidey mıñnan joğarı dinamikada twrğan astana (1571),  Almatı (1450) qalalarınıñ qatarına Qarağandı oblısı (1011) da kirdi. Bwdan özge Şımkent (445), Atırau (424), ŞQO (298), Almatı (270), Pavlodar (251), Aqmola (238), Aqtöbe (230), Qostanay (224), Mañğıstau (220), BQO (198), Jambıl (197),  Qızılorda (175), SQO (145), Türkistan (132) oblıstarında dert üdep twr. Osı seysenbide aurudan ayıqqan 5814 adam üyine şığarılğan. Seysenbide jiını 81 adam qaytıs bolğan.

#COVID_pnevmoniyası 27 şildede aqparatı bir täulikke keşigip beriletin koronavirus pnevmoniyasına şaldıqqan 262 nauqas esepke alındı. Vedomstvo dereginşe, seysenbi küni sırqattar Şımkent (43) qalası jäne Atırau (35), Jambıl (28), Aqmola (25), Mañğıstau (24), Qostanay (21) oblıstarında köptep anıqtalğan. Sonımen qosa, 121 adam ayığıp şıqqan, tağı 16 adam köz jwmğan.

#Jalpı  DenMin deregine qarağanda, emdelip jatqan 90,5 mıñnan asa nauqastıñ 25 mıñı auruhanada, 65 mıñı ambulatorlıq baqılauda. 1573 mıñ nauqastıñ jağdayı naşar, ondağı 332 adamnıñ häli öte auır. Bwdan özge 154 sırqat ökpeni jasandı jeldetu apparatımen tınıstap jatır.

Epidkartada keyingi bir apta boyı «sarı aymaqta» jalğız twrğan Türkistan oblısınan basqa barlıq öñir (üş megapolisti qosa alğanda) «qızıl aymaqta» twr.

DenMin habarınşa, 1 şildede PTR skriningi negizinde 414 sınama jürgizilgen. Säykesinşe, barlıq ülginiñ 48,3%-ınan Qazaqstannıñ tügel aymağınan ündistandıq «Del'ta» ştamı anıqtalğan. Ükimet mälimetinşe, biıl köktem-jazda genomdıq zertteu nätijesinde eldiñ basım böliginen virustıñ braziliyalıq, britandıq, oñtüstikafrikalıq jäne ündistandıq ştamdarı anıqtalğan.

Bıltır 13 naurızdan beri COVID-19 infekciyasın jwqtırğandar qatarı 557 mıñnan, 1 tamızdan bılayğı koronavirus pnevmoniyası 60 mıñnan astı. DDSW derekqorı men Wlttıq statistikada Qazaqstanda auırğandar sanı 617 mıñğa jetti. Degenmen Ükimet koronavirus pen onıñ pnevmoniyasın eki bölek esepteydi.

Pandemiya bastalğalı jalpı virus jwqqandardan 11,7 mıñnan asa adam (KVI+ / U07.1 – 5700, KVI- / U07.2 – 3676, ilespe aurulardan – 2367) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingenderdi jalpı statistikağa engizbeydi. Bwğan qarsı sarapşılardıñ sözine qarağanda, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan.

Qazaqstan virus taraluı boyınşa älemde Djons Hopkins universiteti jäne DDSW tizimindegi 221 el men aymaqtıñ arasında 42-orında twr.

Ükimettiñ soñğı deregine qarağanda, Qazaqstanda 3,5 mln adam koronavirusqa qarsı vakcinanı tolıq alğan, al keminde birinşi dozası egilgen jerttıñ sanı 5,2 mln şamasında.

"The Qazaq Times"