Nemis delegaciyasımen kezdesu barısınan. Foto: mfa.kz

Qazaqstan Respublikasınıñ Sırtqı ister ministri Qayrat Äbdirahmanov 2017 jılğı 12 säuirde Manfred Grund bastağan GFR Bundestagınıñ «Germaniya – Ortalıq Aziya» parlamenttik top delegaciyasın qabıldadı. Bwl turalı vedomstvonıñ resmi saytı habarladı.

Taraptar ekijaqtı ıntımaqtastıqtıñ jäne «EKSPO-2017» körmesine Germaniyanıñ qatısuı, QR azamattarı üşin Şengen elderine baru üşin vizalıq tärtipti jeñildetu, QR men EO arasındağı keñeytilgen seriktestik jäne ıntımaqtastıq turalı kelisimniñ ratifikaciyalauı boyınşa mäseleleri talqılandı.

Q. Äbdirahmanov Qazaqstan men Germaniya arasında diplomatiyalıq qatınastar ornağan kezeñnen bastap 25 jıl işinde elderimiz arasında ekijaqtı ıntımaqtastıqtıñ joğarğı damu deñgeyine jetkenin, auqımdı şarttıq – qwqıqtıq bazasınıñ qwrılğanın, qomaqtı kölemde dialogtıq alañdar men özara is-qimıl tetikterdiñ istep twrğanın atap ötti. Ministr özara äreket etudi damıtuda parlamenttik diplomatiyanıñ mañızdı rölin basa atap, sonday-aq nemis tarapın Qazaqstandağı soñğı konstituciyalıq reformanıñ mäni turalı habardar etti.

Nemis delegaciyasımen kezdesu barısınan. Foto: mfa.kz

Öz kezeginde, M. Grund Qazaqstanmen parlamentaralıq ıntımaqtastıq mäselelerimen 20 jıldan astam aynalısu barısında elimizdiñ sayasi jäne äleumettik-ekonomikalıq tabıstı damuın qızığuşılıqpen bayqağanın ayttı.

Taraptar äriptestiktiñ «de-fakto» strategiyalıq deñgeyin belgiledi. Qazirgi tañda Qazaqstan ekonomikasınıñ şeteldik investorlarınıñ arasında Europa elderi işinen Germaniya bastı ondıqqa jäne memleketimizdiñ sauda äriptestiginiñ bastı bestigine kiredi.

2016 jılı sauda aynalımı 1,7 mlrd. AQŞ doll. qwradı. Qazaqstan men Germaniya arasındağı Şikizat, önerkäsip jäne tehnologiyalıq salalardağı äriptestik turalı kelisimniñ birlese iske asırıluı eki el arasındağı sauda-ekonomikalıq ıntımaqtastıqtıñ damuında mañızdı röl atqaradı.

2012 jıldan bastap Qazaqstanda qosarlı käsiptik-tehnikalıq bilim beru salasında «Nazarbaev-Merkel'» bastaması boyınşa germandıq model' engizilude.

Almatıda ornalasqan Qazaq-nemis universiteti, Gete atındağı instituttıñ jäne Nemis akademiyalıq almasular qızmetiniñ (DAAD) Qazaqstandağı ökildikteri bilim beru salasındağı ıntımaqtastıqtıñ basqa jemisti ülgisi bolıp tabıladı. Sonımen qatar, Germaniyada bilim alatın qazaqstandıq studentter sanınıñ köbeyuine baylanıstı, 2009 j. GFR-da «Bolaşaq» halıqaralıq bağdarlamalar ortalığınıñ ökildigi aşıldı.

Kezdesu barısında, Q. Äbdirahmanov Qazaqstan men eki el arasındağı, sonday-aq Europalıq odaqpen jalpı adami baylanıstarın äri qaray keñeytu taqırıbın jeke atap, Qazaqstan öz tarapınan salmaqtı qadam basuda ekenin atap ötti...

German delegaciyasınıñ Parlamenttiñ qos palatalarınıñ törağalarımen, QR Investiciyalar jäne damu ministriliginiñ jäne «Astana EKSPO-2017» AQ basşılığımen kezdesuleri josparlanuda.

“The Qazaq Times”