نەمىس دەلەگاتسياسىمەن كەزدەسۋ بارىسىنان. فوتو: mfa.kz

قازاقستان رەسپۋبليكاسىنىڭ سىرتقى ىستەر ءمينيسترى قايرات ءابدىراحمانوۆ 2017 جىلعى 12 ساۋىردە مانفرەد گرۋند باستاعان گفر بۋندەستاگىنىڭ «گەرمانيا – ورتالىق ازيا» پارلامەنتتىك توپ دەلەگاتسياسىن قابىلدادى. بۇل تۋرالى ۆەدومستۆونىڭ رەسمي سايتى حابارلادى.

تاراپتار ەكىجاقتى ىنتىماقتاستىقتىڭ جانە «ەكسپو-2017» كورمەسىنە گەرمانيانىڭ قاتىسۋى، قر ازاماتتارى ءۇشىن شەنگەن ەلدەرىنە بارۋ ءۇشىن ۆيزالىق ءتارتىپتى جەڭىلدەتۋ، قر مەن ەو اراسىنداعى كەڭەيتىلگەن سەرىكتەستىك جانە ىنتىماقتاستىق تۋرالى كەلىسىمنىڭ راتيفيكاتسيالاۋى بويىنشا ماسەلەلەرى تالقىلاندى.

ق. ءابدىراحمانوۆ قازاقستان مەن گەرمانيا اراسىندا ديپلوماتيالىق قاتىناستار ورناعان كەزەڭنەن باستاپ 25 جىل ىشىندە ەلدەرىمىز اراسىندا ەكىجاقتى ىنتىماقتاستىقتىڭ جوعارعى دامۋ دەڭگەيىنە جەتكەنىن، اۋقىمدى شارتتىق – قۇقىقتىق بازاسىنىڭ قۇرىلعانىن، قوماقتى كولەمدە ديالوگتىق الاڭدار مەن ءوزارا ءىس-قيمىل تەتىكتەردىڭ ىستەپ تۇرعانىن اتاپ ءوتتى. مينيستر ءوزارا ارەكەت ەتۋدى دامىتۋدا پارلامەنتتىك ديپلوماتيانىڭ ماڭىزدى ءرولىن باسا اتاپ، سونداي-اق نەمىس تاراپىن قازاقستانداعى سوڭعى كونستيتۋتسيالىق رەفورمانىڭ ءمانى تۋرالى حاباردار ەتتى.

نەمىس دەلەگاتسياسىمەن كەزدەسۋ بارىسىنان. فوتو: mfa.kz

ءوز كەزەگىندە، م. گرۋند قازاقستانمەن پارلامەنتارالىق ىنتىماقتاستىق ماسەلەلەرىمەن 20 جىلدان استام اينالىسۋ بارىسىندا ەلىمىزدىڭ ساياسي جانە الەۋمەتتىك-ەكونوميكالىق تابىستى دامۋىن قىزىعۋشىلىقپەن بايقاعانىن ايتتى.

تاراپتار ارىپتەستىكتىڭ «دە-فاكتو» ستراتەگيالىق دەڭگەيىن بەلگىلەدى. قازىرگى تاڭدا قازاقستان ەكونوميكاسىنىڭ شەتەلدىك ينۆەستورلارىنىڭ اراسىندا ەۋروپا ەلدەرى ىشىنەن گەرمانيا باستى وندىققا جانە مەملەكەتىمىزدىڭ ساۋدا ارىپتەستىگىنىڭ باستى بەستىگىنە كىرەدى.

2016 جىلى ساۋدا اينالىمى 1,7 ملرد. اقش دولل. قۇرادى. قازاقستان مەن گەرمانيا اراسىنداعى شيكىزات، ونەركاسىپ جانە تەحنولوگيالىق سالالارداعى ارىپتەستىك تۋرالى كەلىسىمنىڭ بىرلەسە ىسكە اسىرىلۋى ەكى ەل اراسىنداعى ساۋدا-ەكونوميكالىق ىنتىماقتاستىقتىڭ دامۋىندا ماڭىزدى ءرول اتقارادى.

2012 جىلدان باستاپ قازاقستاندا قوسارلى كاسىپتىك-تەحنيكالىق ءبىلىم بەرۋ سالاسىندا «نازارباەۆ-مەركەل» باستاماسى بويىنشا گەرماندىق مودەل ەنگىزىلۋدە.

الماتىدا ورنالاسقان قازاق-نەمىس ۋنيۆەرسيتەتى، گيوتە اتىنداعى ينستيتۋتتىڭ جانە نەمىس اكادەميالىق الماسۋلار قىزمەتىنىڭ (DAAD) قازاقستانداعى وكىلدىكتەرى ءبىلىم بەرۋ سالاسىنداعى ىنتىماقتاستىقتىڭ باسقا جەمىستى ۇلگىسى بولىپ تابىلادى. سونىمەن قاتار، گەرمانيادا ءبىلىم الاتىن قازاقستاندىق ستۋدەنتتەر سانىنىڭ كوبەيۋىنە بايلانىستى، 2009 ج. گفر-دا «بولاشاق» حالىقارالىق باعدارلامالار ورتالىعىنىڭ وكىلدىگى اشىلدى.

كەزدەسۋ بارىسىندا، ق. ءابدىراحمانوۆ قازاقستان مەن ەكى ەل اراسىنداعى، سونداي-اق ەۋروپالىق وداقپەن جالپى ادامي بايلانىستارىن ءارى قاراي كەڭەيتۋ تاقىرىبىن جەكە اتاپ، قازاقستان ءوز تاراپىنان سالماقتى قادام باسۋدا ەكەنىن اتاپ ءوتتى...

گەرمان دەلەگاتسياسىنىڭ پارلامەنتتىڭ قوس پالاتالارىنىڭ توراعالارىمەن، قر ينۆەستيتسيالار جانە دامۋ مينيسترىلىگىنىڭ جانە «استانا ەكسپو-2017» اق باسشىلىعىمەن كەزدەسۋلەرى جوسپارلانۋدا.

“The Qazaq Times”