Resey tıñşıları jaldağan Qazaqstan tuması kepilmen bosatudı swradı

Yahoo internet-gigantınıñ jelilerine auqımdı kiberşabuıl jasaluına qatıstı is boyınşa wstalğan Qazaqstan tuması Karim Baratov 5 säuirde Kanada sotına kepilmen bostandıqqa şığaru turalı ötiniş jasadı.

Prokuratura onıñ bwl ötinişine qarsılıq bildirdi. Baratovtıñ reseylik agenttermen baylanısı boluı mümkin, bostandıqqa şıqqan soñ solardıñ kömegimen qaşıp ketedi, deydi prokuratura ökilderi. Baratov advokattarı küdiktiniñ ata-anası onıñ eşqayda qaşpaytınına kepil bolatının aytqan. Äkesi Ahmet Toqbergenov sotta audarmaşınıñ kömegi arqılı ötiniş jasap, sot qajet dep tapsa, üyde Internetti öşirip tastaytının da mälimdegen.

22 jastağı Baratovtıñ aytuınşa, 2014 jılı ol internet-biznesin bastağan, veb-sayttardı tirkeu, veb-hostingter men serverlerdi qorğau qızmetinen şamamen 81 mıñ dollar tabıs tapqan.

Prokuratura mälimeti boyınşa, Baratovtı Resey Federaldıq qauipsizdik qızmetiniñ agentteri - Igor' Suşin men Dmitriy Dokuçaev haker retinde jaldağan. Bwl ekeuine de osı is ayasında ayıp tağıldı.

Baratov - Qazaqstan tuması, Kanadağa 2007 jılı köşken, 2011 jılı azamattıq alğan. Onı naurız ayında Kanadada wstadı. Baratovtı AQŞ-qa ekstradiciyalau mümkin.

“The Qazaq Times”