Foto: AR

Kanada biligi Boeing 737 MAX wşağınıñ kommerciyalıq reysterin qalpına keltiruge äzige rwqsat bermeydi. Bwl turalı Kanadanıñ kölik ministrliginiñ basşısı Mark Garnodıñ mälimdemesinde aytıldı.

Departament AQŞ-tıñ Federaldı aviaciya basqarması (FAA) Boeing 737 MAX wşaqtarın jañartuğa rwqsat bergen. Biraq bwl avialaynerlerdiñ Kanadanıñ äue keñistigine kiruine rwqsattı tek arnayı mamandar qaraydı.

«Kanadanıñ äue keñistiginde Boeing 737 MAX wşaqtarınıñ kommerciyalıq reysterine qoyılğan şekteuler saqtaladı jäne Kölik ministrligi qauipsizdik departamenti barlıq qauipsizdik mäseleleri şeşilgenine deyin tıyımdı joymaydı», – dedi ministr.

Särsenbide Reuters AQŞ-tıñ aviaciyalıq retteuşisi atalğan wşaq jwmısın qayta bastauğa rwqsat bergenin habarladı.

2018 jılı 10 naurızda Debre-Zeyt qalası mañında «Ethiopian Airlines» kompaniyasına tiesili Boeing 737 Max» wşağı apatqa wşırap, saldarınan 157 adam köz jwmğan bolatın. 2018 jılı qazan ayında Indoneziyada tap osı model'di layner qwlap, 189 jolauşı qaza tapqan edi. Arağa sanaulı künder salıp, Amerikanıñ Djeksonvill qalasındağı özenge Boeing 737 jolauşılar wşağı qwladı.

Osı oqiğadan keyin Wlıbritaniya men Franciya wşaqtan bas tartsa, Malayziya, Avstraliya, Indoneziya, Qıtay men Singapur biligi äue kemesin bwdan bılay saparğa şığarmaytın boldı.

"The Qazaq Times"