Yahoo ينتەرنەت-گيگانتىنىڭ جەلىلەرىنە اۋقىمدى كيبەرشابۋىل جاسالۋىنا قاتىستى ءىس بويىنشا ۇستالعان قازاقستان تۋماسى كاريم باراتوۆ 5 سءاۋىردە كانادا سوتىنا كەپىلمەن بوستاندىققا شىعارۋ تۋرالى ءوءتىنىش جاسادى.

پروكۋراتۋرا ونىڭ بۇل وتىنىشىنە قارسىلىق ءبىلدىردى. باراتوۆتىڭ رەسەيلىك اگەنتتەرمەن بايلانىسى بولۋى مۇمكىن، بوستاندىققا شىققان سوڭ سولاردىڭ كومەگىمەن قاشىپ كەتەدى، دەيدى پروكۋراتۋرا وكىلدەرى. باراتوۆ ادۆوكاتتارى كۇدىكتىنىڭ اتا-اناسى ونىڭ ەشقايدا قاشپايتىنىنا كەپىل بولاتىنىن ايتقان. اكەسى احمەت توقبەرگەنوۆ سوتتا اۋدارماشىنىڭ كومەگى ارقىلى ءوتىنىش جاساپ، سوت قاجەت دەپ تاپسا، ۇيدە ينتەرنەتتى ءوشىرىپ تاستايتىنىن دا مالىمدەگەن.

22 جاستاعى باراتوۆتىڭ ايتۋىنشا، 2014 جىلى ول ينتەرنەت-بيزنەسىن باستاعان، ۆەب-سايتتاردى تىركەۋ، ۆەب-حوستينگتەر مەن سەرۆەرلەردى قورعاۋ قىزمەتىنەن شامامەن 81 مىڭ دوللار تابىس تاپقان.

پروكۋراتۋرا مالىمەتى بويىنشا، باراتوۆتى رەسەي فەدەرالدىق قاۋىپسىزدىك قىزمەتىنىڭ اگەنتتەرى - يگور سۋششين مەن دميتري دوكۋچاەۆ حاكەر رەتىندە جالداعان. بۇل ەكەۋىنە دە وسى ءىس اياسىندا ايىپ تاعىلدى.

باراتوۆ - قازاقستان تۋماسى، كاناداعا 2007 جىلى كوشكەن، 2011 جىلى ازاماتتىق العان. ونى ناۋرىز ايىندا كانادادا ۇستادى. باراتوۆتى اقش-قا ەكستراديتسيالاۋ مۇمكىن.

“The Qazaq Times”