Şımkent qalasınıñ Abay audanındağı blok-bekettiñ biri. Foto: otyrar.kz

Koronavirus infekciyasın jwqtırğan adamdardıñ reestrine tüste tağı 47 nauqas tirkeldi.

Naqtıraq aytqanda, Pavlodar oblısında – 13,
Qarağandı oblısında – 2,
Qızılorda oblısında – 3,
Jambıl oblısında – 4,
Mañğıstau oblısında – 6,
Şımkent qalasında – 8,
Atırau oblısında – 1,
Almatı qalasında – 10 adam tirkeldi.

Jalpı jiını anıqtalğan keyster kün sanap artıp kele jatqan  Almatıda mıñnan astam (1140) adam qauipti kesel jwqtırğan. Al astanada 650 adamnan auru rastalıptı. Qızılorda oblısı men Şımkent qalasında keyster sanı 200-den asıp ketti. Dertke şaldıqqandar qatarı Batıs Qazaqstan jäne Qarağandı oblıstarında 150-diñ, sonday-aq Pavlodar, Almatı, Atırau oblıstarında 140-tıñ üstine şıqqan. Eñ tömengi körsetkiş Şığıs Qazaqstan oblısında 23 nauqastan koronavirus infekciyası tabılğan.

Jalpı jiını 3,5 mıñnan astam adamı dertke şaldıqqan Qazaqstannıñ bes öñirinen basqa 12 aymağında keyster sanı jüzden asıp ketti. Äleumettik jeli qoldanuşıları, belsendilerdiñ köbi mwnı, derttiñ aymaqtarğa tarauına jol bergen «karantin jariyalar kezde kemşilik jibergen biliktiñ jibergen kemşiligi» dep sınauda.

Twtas älemdi eseñgiretken jwğuı jıldam äri asa auqımdı indetti jwqtıruşılar sanı boyınşa Qazaqstan qazirgi tañda düniejüzinde 58-orında twr. Resmi mälimetterge qarağanda, elde koronavirus jwqtırğan 879 adam sauığıp şıqqan. Ökinişke qaray, 25 azamat koronavirustan qaytıs bolğan.

"The Qazaq Times"