Almatı qalasındağı "Astana" ortalıq alañın policiya jürginşilerden tazalap jatır. Tölebi jäne Abılayhan köşeleriniñ, Töle bi men Panfilov köşeleriniñ arasında ornalasqan alañ men park tolıqtay jabılğan.

Tilşilerimizdiñ jibergen mälimetterine qarağanda, alañ mañında wyalı baylanıs jelileri dwrıs istemeydi, internet bwğattalğan. Ol jerden onlayn habar taratu mümkin emes. Ortalıq alañğa jaqın birneşe köşede policiya qızmetkerleri beybit twrğındardı da jürgizbey jatır. Policiyanıñ bwl äreketterine kelispegender küştep kölikterge otırğızılıp jatır.

Qazir ortalıq alañğa jurnalisterdi de qatañ tekseruden keyin ğana ötkizude. Tilşilerdiñ habarına qarağan alañ mañında jüzdegen policiya qızmetkerleri jür.

Ayta keteyik, bügin 22 aqpanda Qazaqstan ükimeti jağınan ekstremistik wyım retinde elde tıyım salınğan "Qazaqstan Demokratiyalıq Tañdauı" qozğalısı narazılıq şarasın ötkizbek bolğan. Bwğan qosa, äli resmi tirkeuden ötip ülgirmegen "Demokratiyalıq partiya" da narazılıq şarasına şığatının mälimdegen. Tüsten bwrın Dempartiyanıñ azdağan ökili ğana qatısqan şara policiya jağınan taratıldı. Ondağan adam wstaldı.

****

Tilşilerimizden kelip tüsken soñğı mälimetterge qarağanda, Panfilov köşesi boyınan 20-dan astam adam wstalğan. Wstalğandardıñ köbi özderin jay jürginşi ekenin aytqan, alayda policiya olardı küştep kölikterge otırğızıp alıp ketken.

"The Qazaq Times"