Bas prokuraturanıñ basasöz mäjilisinen. Foto: centralasian.org

Reseydiñ Bas prokuraturası bwrınğı şeneunikter men olardıñ otbasılarınıñ şığındarın baqılaudı wsındı. Qwzırlı organ şeneunik jwmıstan şıqqannan keyin de olardıñ jemqorlıq shemaların osılay äşkereleudi közdep otır. Bwl turalı "Izvestiya" gazetine silteme jasap "Ortalıq Aziya habar qızmeti" jazdı.

Olardıñ mülikteri zañsız jolmen alınğanı anıqtalsa, bwrınğı memlekettik qızmetkerler men olardıñ otbasıları ol mülikten ayrıladı.

Baqılau şeneunik jwmıstan şıqqan künnen bastap üş jıl boyı jürgiziledi. Eks-şeneunik şığındarınıñ säykes kelmeui onı tekseruge negiz bola aladı.

Bas prokuratura ökiliniñ aytuınşa, qazirgi tañda memlekettik qızmettegilerdiñ ğana şığını tekserilip jür. Olar jazadan qwtılu üşin ädette jwmıstan ketip jatadı, soğan baylanıstı prokuratura sotqa arızdanuğa negiz tappay qaladı.

İİM mälimeti boyınşa, Reseyde 2016 jılı paranıñ ortaşa kölemi 75 payızğa ösip, 328 mıñ rubl' bolğan.

“The Qazaq Times”