Şekara bwzdı dep ayıptalğan Q.Mwsahan wlı men M. Älimwlı. Foto: azattyq.org

Şekaranı zañsız kesip ötti dep ayıptalğan Qaster Mwsahanwlı men Mwrager Älimwlınıñ isine qatıstı sot bügin ŞQO Zaysan qalasında ötti. Sot töreşisi qorğauşı advokat pen ayıptaluşılardı qoldağan belsendilerdiñ narazılığına qaramastan sot otırısın 21 qañtarğa qaldırdı.

Qaster Mwsahanwlı men Mwrager Älimwlın qoldağan belsendiler Semey men Öskemen qalalarınan tıs elorda men Almatıdan jäne Şımkent qalalarınan belsendiler sot otırısına qatıstı. Olar eki azamatqa bostandıq berilip, elde qaldırıluın jäne sot procesiniñ ädil ötuin talap etip kelgen.

Büginşi sot otırısında Q.Mwsahanwlı men M.Älimwlı özderiniñ jäne tuğan-tuıstarınıñ Qıtayda qısım körgenin, tölqwjattarın jergilikti ükimet orındarı jinap alğandıqtan, Qazaqstan şekarasınan zañsız ötuge mäjbür bolğanın jetkizdi. Sonday-aq, sot otırısında kuälik bergen şekara qızmetiniñ ökili Manas Bauırjanwlı ayıptaluşılar şekaradan kesip öttik degen 2 qazan küni şekara bwzu isi tirkelmegenin ayttı.

Sot otırısınan keyin belsendiler piket ötkizip, sot şeşimine kelispeytinderin bildirdi. Olar bilik ökilderi belsendilerdiñ sot procesin baqılauına kedergi keltiru üşin sot otırısın keyinge qaldırıp otır degen pikirde. Belsendiler kelesi sot procesine tipti de köp azamattıq belsendilerdi qatısuğa şaqırdı.

Qorğauşı advokat pen ayıptaluşılardı qoldağan belsendiler sot şeşimimen kelispeytinin, osığan baylanıstı joğarı sotqa jäne prezidentke şağımdanatının jetkizdi.

“The Qazaq Times”