Körneki suret

Düniejüzi qazaqtarınıñ qauımdastığı jäne «Otandastar qorı» KEAQ Qazaqstan Respublikasınıñ Özbekstandağı Elşiliginiñ, «Atameken» WKP SSP-nıñ jäne Özbekstandağı qazaq mädeni ortalığınıñ qoldauımen Özbekstan Respublikasında twratın isker qandastarımız ben biznes-forum ötkizdi, dep habarlaydı Düniejüzi qazaqtarı qauımdastığınıñ baspasöz hatşısı Sırımbek Töleuwlı.

Düniejüzi qazaqtarınıñ qauımdastığı biznes-forum ayasında şetelde twratın qandastarmen baylanıs ornatu jäne nığaytu jönindegi Düniejüzi qazaqtarınıñ qauımdastığı jäne qordıñ bağdarlamalarınıñ bir böligi bolıp tabıladı. İs-şaranıñ negizgi maqsatı – Özbekstandağı qazaq diasporası ökilderimen iskerlik qarım-qatınas ornatu.

İs-şarağa qatısuşı isker otandastardı aldımen Düniejüzi qazaqtarınıñ qauımdastığı Törağasınıñ birinşi orınbasarı Twrısbekov Zauıtbek Qauısbekwlı qwttıqtap, Özbekstandağı qandastarmen biznes-forum ötkizu maqsatı men missiyasın tüsindirdi. Sonımen qatar, eki el arasındağı ğasırlar boyı qalıptasqan bauırlastıqtı odan äri nığaytu üşin iskerlik baylanıstardı küşeytu kerek ekendigin alğa tarttı. Zauıtbek Qauısbekwlı öz sözinde, Düniejüzi qazaqtarınıñ qauımdastığı men Otandastar qorı qızmetteriniñ negizgi bağıttarın, sonday-aq şeteldegi diasporamen jwmıs isteu jönindegi negizgi jobaların atap ötti.

Atalğan is şarağa QR Özbekstandağı ökiletti elşisi Satıbaldı Darhan Amangeldiwlı arnayı kelip,  Otandastar qorınıñ wyımdastıruımen Özbekstandağı qandastar arasında alğaş ret ötkizilgen biznes-forumnıñ ötuimen qatısuşılardı qwttıqtadı.

Özbekstandağı qazaq mädeni ortalığınıñ törağası Üsenov Serikbay Nazarwlı Özbekstan Respublikasındağı qazaq diasporası ökilderiniñ ekonomikalıq mümkindikteri jayında söz qozğap, isker qandastardıñ negizgi käsip salaların jäne Qazaqstanmen iskerlik baylanıstı nığaytuğa aldımen sauda-sattıqtı küşeytu qajet ekenin alğa tarttı.

Sonday-aq, is-şarağa Qazaqstannan arnayı kelgen wlttıq qolönermen aynalısatın «Jusan» käsipkerler birlestiginiñ törağası Toğabay Nwrmwratwlı jäne «El tiregi» qazaqstandıq şağın jäne orta biznes qauımdastığı törağası Asqar Äbubäkirov özderiniñ naqtı iskerlik jobalarımen tanıstırdı.

Biznes-forum barısında Düniejüzi qazaqtarınıñ qauımdastığı törağasınıñ orınbasarı Ospanov Arğın Serğazıwlı jäne Otandastar qorı Prezidentiniñ keñesşisi Bolat Didar şarağa qatısuşılarmen özara is-qimıl tetikterin, şağın jäne orta biznes salasındağı biznes-bastamalardı ıntalandıru, sonday-aq startaptardı qoldau jäne damıtu tetikterin egjey-tegjeyli talqıladı. Toqıma önerkäsibiniñ, auıl şaruaşılığınıñ, qızmet körsetu salasınıñ damuına, tehnologiyalıq öndiristerdi qwruğa negizdelgen Özbekstan narığınıñ beyinin eskere otırıp, osı salalarğa basa nazar audarıldı. Forum qatısuşılarına Qazaqstan oblıstarınıñ investiciyalıq äleueti tanıstırıldı.

Forum jwmısına 50-den astam adam qatıstı. Qatısuşılarğa özderin qızıqtıratın startaptar, biznes-bastamalar, qolda bar jobalar turalı aytıp, spikerlerge swraqtar qoyıp, biznes josparlar men bastamalardı Qazaqstanda, sonday-aq halıqaralıq narıqta jıljıtu mümkindikterin talqıladı.

Forum soñında Düniejüzi qazaqtarınıñ qauımdastığı Törağasınıñ Birinşi orınbasarı Zauıtbek Qauısbekwlı Özbekstanda twratın qandastardı Otandastar qorınıñ wsınıstarğa aşıq jäne twratın jerine qaramastan barlıq otandastarmen "baylanısta" twrğanın, ol üşin barlıq özekti mäseleler boyınşa keñes beretin jäne aqparattıq qoldau körsetetin otandastar mäseleleri jönindegi birıñğay baylanıs ortalığı arnayı qwrılğanın atap ötti.

Özbekstandağı biznes-forum tamız ayında San-Francisko qalasında ötken forumnan keyingi törtinşi biznes-forum bolıp tabıladı. Türli elderde twratın otandastarmen 8 elde (GFR, AQŞ, Wlıbritaniya, Şveciya, Qıtay Halıq Respublikası, Özbekstan, Türkiya jäne Resey) bizns-forumdar ötkizu josparlanğan, kelesi Biznes-forum 2019 jılı 20 qırküyekte London qalasında (Wlıbritaniya) ötedi.

"The Qazaq Times"