«Izrail' Süriya aumağında Iran tarapınan tönip twrğan äskeri qauipke bas şwlğıp, qarap otıra almaydı» - dep mälimdedi Izrail' prem'er-ministri Bin'yamin Netan'yahu Soçide Resey prezidenti Vladimir Putinmen kezdesu kezinde.

Netan'yahu Tehran Izrail'ge zımıran jiberu maqsatında Süriya aumağın belsendi türde paydalanıp keledi, mwnday jağdayda aymaqta äskeri bazası bar Resey men Izrail'diñ özara dialog ornatuı mañızdı dep atap ötti.

Al öz kezeginde Putin halıqaralıq terrorizm qauipi tönip twrğan jağdayda, Izrail' men Reseydiñ özara ıqpaldasuı mañızdı dedi. Ol Netan'yahudıñ Izrail'ge şaqırtuın qabıl alğanın jetkizdi.

Biıl Putin men Netan'yahu üş ret kezdesti. Osı jolğı kezdesu Izrail'de 17 qırküyekte bolatın parlament saylauı qarsañında ötip otır. Izrail' aqparat qwraldarınıñ jazuınşa, Netan'yahu Putinmen kezdesu arqılı özi basqaratın "Likud" partiyasınıñ bedelin köteruge tırısuda.

Izrail' prem'eri osı jolğı saylauda jeñgen jağdayda Iordan özeniniñ Batıs jağalauında Izrail' egemendigin ornatının mälimdegen. BWW bas hatşısınıñ keñsesi "bwl halıqaralıq zañnıñ bwzıluı bolıp esepteledi" dep eskertken. Netan'yahu wstanımın Resey de sınağan.

"The Qazaq Times"