Qazaqstan prezidenti Qasım-Jomart Toqaev pen Özbekstan basşısı Şavkat Mirzieev. Foto: tengrinews.kz

Özbekstan biligi parlament saylauına dayındaluda. Bwl jolğı saylaudıñ bwrınğı saylaulardan erekşeligi qanday?

Jeltoqsan ayında Özbekstanda kezekti parlament saylauı ötedi. Osığan baylanıstı jaqında prezident Şavkat Mirzieev el aumağında tirkelgen bes sayasi partiya jetekşilerin qabıldadı. 24 tamız küni Senat otırısında Ortalıq saylau komissiyasınıñ jaña qwramı bekitildi. Bwl jolğı saylau Şavkat Mirzieev bilik basına kelgeli beri ötkeli otırğan alğaşqı parlament saylauı. Biraq qazirdiñ özinde bwl saylaudıñ Islam Kärimov kezindegi saylaulardan eşqanday ayırmaşılığı joq bolatındığı bayqaladı.

«Birdamlik» oppoziciyalıq partiyasınıñ köşbasşısı Bahodır Çoriev «bwl jolğı saylau  Şavkat Mirzieevtıñ üş jılda jasağan reformalarınıñ barlığı jalğan ekenin körsetti» dep esepteydi. Onıñ sözinşe, soñğı üş jılda Mirzieev biliktegi poziciyasın küşeytu arqılı eldiñ bağıtın anıqtap, eşqanday sayasi reforma bolmaytın ayqındağan.

«Mirzieev reformator emes, Kärimovtıñ jolın jalğastıruşı. Özbekstanda TMD elderiniñ işinde sayasi partiyalardı tirkeudiñ eñ auır jüyesi qalıptasqan. Sayasi partiya qwru üşin kem degende 8 aymaqtan 20 mıñ adamnıñ qolın jinauğa tiissiñ. Halıq sanı Özbekstannan bes ese köp Reseyde partiya qwru üşin 10 mıñ qol, Türkimenstan men Belarus'te 1 mıñ qol, Qırğızstanda 10 adamnıñ qolı bolsa jetkilikti. Bwğan qosa saylauğa halıq atınan wsınılğan kandidattar qatısa almaydı. Parlamentke barudıñ jalğız jolı – partiyalar atınan saylauğa tüsu» - dedi Çoriev.

Ayta ketetin bir jayt, soñğı uaqıttarı Qazaqstanda da «biıl kezekten tıs parlament saylauı ötui mümkin» degen qañqu söz el arasında «jeldey esip» jür. Negizinde Qazaqstan men Özbekstandağı saylau jüyesiniñ bir-birinen eşqanday ayırmaşılığı joq. Tek halıq sanı bizden eki ese  köp özbek elinde partiya qwru üşin 20 mıñ qol kerek bolsa, bizde 40 mıñ qol jinau kerek.

"The Qazaq Times"